Quantum redactiones paginae "Hedy Lamarr" differant

 

Quae cum ita essent, Hedy, arbitrata in matrimonium perquam intolerabile se venisse, a marito molesto fugere constituit. Anno [[1937]], cum [[Londinium]] effugisset, in familiaritatem venit [[Ludovicus B. Mayer|Ludovici B. Mayer]], praefecti [[Metro-Goldwyn-Mayer|MGM societatis]], qui nova ingenia in Europa speculabatur. Mayer admiratione adfectus bono [[contractus operae|contractu]] Hedwigam conduxit. Itaque Hedwig Kiesler, ne propter ''Ecstasy'' memoraretur, a Mayer persuasa est, ut nomen artis ''Hedy Lamarr'' sibi adoptaret. Nomen ''Lamarr'' ad aliam feminam formosam refertur, scilicet [[Barbara La Marr|Barbaram La Marr]], actricem [[pellicula muta|pellicularum mutarum]].

Anno proximo Mayer [[Ruscisilva]]m rediit cum Hedy Lamarr, quam statim "formosissimam feminam totius mundi" publice laudare coepit. Mox deinde una cum [[Carolus Boyer|Carolo Boyer]] primas partes accepit in ''[[Algiers (pellicula)|Algiers]]'' ('Algeria'), pellicula a [[Walter Wanger]] producta, quae omnium animos commovebat. Apud spectatores Hedy novitate valebat, nec non specie exotica origineque Austriaca. Mayer de Hedy Lamarr praeconium faciebat, cum illam similem [[Greta Garbo|Gretae Garbo]] et [[Marlene Dietrich|Marlenae Dietrich]] fieri vellet.<ref>Shearer 2010: 77.</ref> Quod tamen consilium spei plenum vix eventum satis bonum habuit, nam iam anno [[1945]] Hedy Lamarr MGM societatem reliquit. Addito enim tempore moleste ferebat, quod sibi parum partes darentur, in quibus plurifariam verba facere possit.

 

Anno [[1940]] Hedy Lamarr, cum apud [[Janet Gaynor]] actricem quondam cenaret, in notitiam venit [[Georgius Antheil|Georgii Antheil]], inventoris et [[compositio musica|compositoris]] ''[[avant-garde]]'', qui aliquam machinarum inter se communicantium [[scientia (declarativa)|scientia]]m consecutus erat. Contenderat enim antea variorum [[instrumentum musicum|instrumentorum]] partes ita concinnare, ut compositio ''[[Ballet mécanique]]'' ordine concini posset. Lamarr et Antheil principia saltûs frequentiae coniunctim elaborare adorti sunt, nam invenire debebant, qua ratione mutationes frequentiarum inter torpedinem et navem aeroplanumve communicari possent ita ut et [[transmissorium]] et [[radiophonum|receptorium]] in novum frequentiae gradum eodem tempore salirent. Exeunte anno 1940 rudimenta inventi sui miserunt ad [[National Inventors Council (CFA)|National Inventors Council]], in quo militarium inventorum ab [[otiosus|otiosis]] factorum ratio habebatur. Inde illi duo, cum existimationem bonam accepissent, operam suam continuabant. Ad 88 mutationes frequentiarum adscripserunt — videlicet quia clavili 88 malleoli sunt, et Antheil clavili utebatur exemplo.

 

 

Hedy Lamarr invento suo nullum umquam lucrum fecit, nam diploma inventi anno [[1959]] valere desiit. Postea autem ad diem perductum est atque anno [[1962]] usu receptum in [[missilium discrimen Cubanum|missilium discrimine Cubano]]. Quod inventum etiam fundamenta iecit usui [[spectrum patulum|spectri patuli]]. Ea ratione efficacissima frequentiae radiophonicae simul adhiberi possunt, nec fieri potest, ut inter se conlidantur. Inventum Lamarrianum aditum praebuit ad technlogiam [[telephonum gestabile|telephonorum gestabilium]], [[Bluetooth]], aliaque systemata cmmmunicationis filorum expertia.

Hedy Lamarr annis 1930 et praesertim annis 1940 floruit. [[Anni 1950|Annis 1950]] iam in paucioribus pelliculis prodiit, donec anno [[1958]] ultimae faciendae contulit. [[Anni 1960|Annis 1960]] oppressa est fato, quod actrices medium cursum vitae agentes opprimere solet: partes feminis natu grandioribus scriptae admodum rarae sunt. Quae cum ita essent, mulier illa, cui soli tribus liberis providendum erat, in difficultates pecuniarias incidit. Anno [[1966]] in medium prolata est ''Ecstasy and Me'', [[autobiographia]] quaedam ab [[umbra auctoris]] confecta (vel conficta), quam Hedy Lamarr ante iudices tollere conabatur, quod “ficta, falsa, plebeia, turpis, probrosa et obscena” esset.<ref> “Fictional, false, vulgar, scandalous, libelous and obscene,” Barber 2015.</ref> Certe librum de vita sua narrantem scribi voluerat, ut rem suam famamque actricis refovere posset, sed utrum vera an falsa patefacta sint, liber de amoribus actricem inprudentem penitus obrepsit. Alioqui vitae habenas male moderabatur. Etiam furti parvi accusabatur, et ipsa lites habebat. Insuper post [[operatio aesthetica|operationem aestheticam]] male gestam Hedy Lamarr mundum sibi clausit et per telephonum tantum consuetudine hominum utebatur.

 

 

== Notae ==