Quantum redactiones paginae "Catacecaumene" differant

'''Catacecaumene''', Graece ἡ Κατακεκαυμένη "regio combusta", [[Turcice]] ''Kula Tepeleri'', est pagus rupestris provinciae [[Magnesiensis ad Sipylum]] et regionis antiquae [[Lydia]]e in [[Turcia]] occidentali. Nomen Graecum, Latine etiam usitatum, ad naturam [[vulcanismus|vulcanicam]] refert. Pagus omnis curiose a geographo antiquo [[Strabo]]ne describitur.<ref>{{Strabo}} 13.4.11 [p. 628], cf. 12.8.19 [p. 580]</ref> Ibi parvi montes tres recenter igniferi in terra fere deserta, nigris sparsa saxis, eminentes, haud longe ab urbe {{Creanda|en|Kula, Manisa|Kula (Turcia)|Kula}} distant.

 

Mons recentissimus, nomine ''Çakallar Tepe'', ab aliis hodie aquis ''Demirköprü'' separatus, ad litus occidentale huius lacus iacet. Qui mons annis fere 25&nbsp;000 [[ante presentem|a.p.]] ignes proiecisse censetur, ab illis hominibus observatus quorum vestigia, in cineribus novis impressa, sub monte reperta sunt. Qui fortasse eruptionem depinxerunt: repertus enim imaginis praehistoricae, montem igne vomentem ut videtur monstrantis, ibidem in pariete speluncae ''Kanlıtaş'' exaratae, anno [[2011]] nuntiatus est.