Quantum redactiones paginae "Augusta Raurica" differant

'''Augusta Raurica''', Theodisce ''Augst'', est oppidum ad ripam [[Rhenus|Rheni]] iacens in pago [[Pagus Basilea rus|Basilea Rure]] [[Helvetia|Helvetiae]]. Aevo Romano urbs capitalis fuit civitatis [[Rauraci|Rauracorum]]. Medio Aevo exeunte a vicino vico [[Castrum Rauracense|Castro Rauracensi]] (Theodisce ''Kaiseraugst'') separata est postquam per plura saecula una urbs fuerant.

 

==Historia==

Bello Gallico confecto iussu Caesaris colonia veteranorum Romanorum in fines [[Rauraci|Rauricorum]] a [[Lucius Munatius Plancus|Lucio Munatio Planco]] anno [[44 a.C.n.]] deducta est<ref>Inscriptio in [[Mausoleum|mausoleo]] [[Caieta|Gaetano]] Munatii Planci.</ref>. Ob [[bellum civile]] Romanorum (49-30 a.C.n.) urbs non statim aedificata esse videtur<ref>Fellmann (1992) pp.17-18</ref> sed [[Augustus (imperator)|Augusto imperatore]] Lucius Octavius quidam coloniam rursus ordinavit atque nuncupavit : ''Colonia Paterna Pia Apollinaris Augusta Emerita Raurica'' tunc dicta est. Augusta Raurica [[Rauraci|Rauracorum]] civitatis caput erat, quam civitatem Augustus provinciae [[Gallia Belgica|Galliae Belgicae]], [[Domitianus]] provinciae [[Germania Superior|Germaniae Superiori]], [[Diocletianus]] provinciae Sequaniae adscripserunt. Omnibus aedificiis ad rem urbanam Romanam pertinentibus ornata est Augusta Raurica : foro, templo Iovis, templo ad imperatorum cultum dedicato, basilica, theatro, amphitheatro, thermis... Cellaria quoque et officinae opificum carnem fumigantium et tabernae et domus privatae effossae sunt. Quae omnia et in situ et in Museo (''Römermuseum Augst'') visere licet.

 

*Barbara Pfäffli, ''Petit guide d'Augusta Raurica'', Augst, 2010.

*Petrus-Andreas Schwarz, 'Augst / Augusta Raurica (Suisse)', ''Supplément à la Revue archéologique du centre de la France'', 2004(25/1) : 355-359 [http://www.persee.fr/doc/sracf_1159-7151_2004_act_25_1_1185 Hic legere potes]

 

{{Capita civitatum Galliae Romanae}}