Quantum redactiones paginae "Camilla (persona Aeneidis)" differant

In [[Aeneis|Aeneide]] '''Camilla''' est regina [[Volsci|Volscorum]] et socia [[Turnus|Turni]] in bello adversus [[Aeneas|Aenean]] et [[Troia]]nos. Camilla est filia Metabi. Iam infans deae [[Diana]]e sacra fuerat : itaque armis gaudebat et virginitatem observabat. Non multum differt eius indoles ab [[Amazones|Amazonibus]] vel ab [[Atalanta (mythologia)|Atalanta]] in [[mythologia Graeca]], ad cuius exemplar excogitata est.

Pater ei Metabus, rex Volscorum, ob nimiam superbiam regno expulsus, Camillam sinu ferens, fugiebat necaturos populares cum flumen Amasenus viae obstitit. Tum infantem subere involutam mediae hastae adligavit et hoc votum concepit, "si [[Diana]]e deae ope infans ad alteram ripam incolumis pervenisset, tum Camillam sacram deae famulam per reliquam vitam fore". Nec dea donum sprevit. Metabus hastam cum onere pretioso in alteram ripam dimisit ac ipse tranavit. Ita Camilla virgo equae lacte nutrita et in silvis educata, mox venationi operam dedit et bellatrix quoque ferox facta est. :Camilla itapugnavit cum uno pectore nudato ut daret libertatem. Ita [[Turnus|Turno]] Rutulorum regi auxilio adversus Troianos venit ac, turma virginum comitata, multos nobiles viros [[Orcus (nomen)|Orco]] dimisit, antequam ipsa ab Arrunte, qui iamdiu opportunitatem speculabatur, iaculo eminus emisso oppeteret. Tum [[Diana]], quae mortem Camillae fatis debitam prohibere non potuerat, Opim misit quae Arruntem necaret et famulam suam ulcisceretur. Item corpus in patriam reportavit et tumulo maiorum condidit.