[[Fasciculus:The Triumphs of Caesar, IX - Julius Caesar on his triumphal chariot; Andrea Mantegna (1484-92).JPG|thumb|Tabula no. 9, ''[[Triumphi Caesaris (Mantegna)|Triumphorum Caesaris]],'' ab [[Andreas Mantegna|Andrea Mantegna]] picta. Verba ''Veni, vidi, vici'' olim in signo legenda erant.]]
[[Fasciculus:Triunphus Caesaris plate 9 - Andreani.jpg|thumb|Exemplar eiusdem tabulae ab [[Andreas Andreani|Andrea Andreani]] [[saeculum 16|saeculo sexto decimo]] exeunte editum, ubi haec verba legi possunt.]]
'''"Veni, vidi, vici"''' (Latina Antiqua: [ˈweː.niː ˈwiː.diː ˈwiː.kiː]; Latina Ecclesiastica: [ˈvɛni ˈvidi ˈvitʃi]_) [[sententia (Gnome)|sententia]] qua victoriae celeriter a [[Gaius Iulius Caesar|Gaio Iulio Caesare]] partae memorantur, a Caesare ipso dicta. [[Suetonius]] enim inquit, ad annum [[46 a.C.n.]] spectans: "[[Triumphi Gai Iulii Caesaris|Pontico triumpho]] inter pompae fercula trium verborum praetulit titulum "veni, vidi, vici" non acta belli significantem sicut ceteris, sed celeriter confecti notam".<ref>Suetonius, ''[[De vita Caesarum]]'' "Divus Iulius" 37.</ref> [[Plutarchus]] eadem verba anno anteriore scripta adseverat de [[Bella Romano-Pontica|bello Pontico]] et de [[Proelium iuxta Zelam commissum|proelio iuxta Zelam facto]] anno [[47 a.C.n.]] in [[epistula]] quam Caesar amico cuidam "Amantio" miserat<ref>Haec verba Graece ita sonantur: {{Polytonic|Ἦλθον, εἶδον, ἐνίκησα}}. Plutarchus, "[[Vita Iulii Caesaris (Plutarchus)|Vita Iulii Caesaris]]" 50.</ref> (fortasse re vera [[Gaius Matius|Gaio Matio]]<ref>Conrad Cichorius, ''Römische Studien. Historisches, Epigraphisches, Literaturgeschichtliches aus vier Jahrhunderten Roms'' (Lipsiae, 1922) p. 248.</ref>).
