Quantum redactiones paginae "Barbara Pietrzak" differant

'''Barbara Pietrzak''' (ante nuptias: ''Agnieszka Przybysz''; nata die [[18 Iunii]] [[1944]] [[Varsavia]]e) [[polonia|Polonica]] [[lingua Esperantica|Esperantici]] fautrix et diurnaria est. Praesidio [[Universalis Societas Esperantica|Universalis Societatis Esperanticae (UEA)]] aderat annis inter 2007 et 2016 necnon membrum [[Academia Esperantica|Academiae Esperanticae]] est ex anno 2011. Insuper praeses vicaria vere praedita est [[associatio Esperantica Polonica|Associationis Polonicae Esperanticae]] et redactrix generalis Stationis radiophonicae Esperanticae interretialis (Pola Retradio en Esperanto) Varsavia in totum orbem terrarum emittentis. Addatur eam periodicum praetitulatum ''Pola Esperantista'' symbolis pretiosis saepe ditare et Academiae litterarum Esperanticarum, quae dicitur, inesse. Annis inter 2007 et 2013 fungebatur munere secretariae generalis UEA.

Idioma [[ludovicus Lazarus Zamenhof|Zamenhofianum]] anno 1958 ediscebat [[Motus Puerorum Exploratorum|motioni Puellarum exploratricum]] adhaerens; itaque iam anno 1959 Congressum internationalem iuvenilem Varsaviae, cum ibidem [[Congressus universalis Esperanticus]] haberetur, frequentare potuit. Assecla Associationis Esperanticae Polonicae facta est et operam dabat in Iuventute Esperantica Polonica necnon apud [[Associatio iuventutis Esperanticae internationalis|Associationem iuventutis Esperanticae internationalem (TEJO)]] annis inter 1962 et 1965. Laborabat e.g. in grapheo organisationis iuvenilis Polonicae et pro periodico adulescentibus dedicato, cui titulus ''Tamen'', tractationes varias scripsit.

 

* [http://www.liberafolio.org/2010/barbara-pietrzak-pretas-resti-en-la-estraro Historiuncula apud [[Liberum Folium]] anni 2010 de fidelitate Barbarae Pietrzak quoad servitium pro UEA]]

* [https://www.youtube.com/watch?v=3Jm1MUmelDg Praelectio eius habita in Septimana XX de cultura internationali]

 

{{Lifetime|1944||Pietrzak, Barbara}}