Quantum redactiones paginae "Ioannes Didacus" differant

'''Ioannes Didacus Cuauhtlatoatzin''' ([[Hispanice]] ''Juan Diego Cuauhtlatoatzin''; [[1474]]–[[1548]]) piis parentibus, qui ab [[Azteci|Aztecis]] originem duxerant, prope locum hodiernae urbis [[Mexicopolis]] ortus est. Anno [[1531]] a [[Maria (mater Iesu)|Beata Dei Genetrice]] legationem sibi suscepit ad episcopum [[IohannesIoannes de Zumárraga|Ioannem de Zumárraga]], ut in colle [[Tepeiacus (collis)|Tepeiaco]] sacellum curaret exstruendum in [[Maria (mater Iesu)|virginis]] honorem. Cum episcopus penitus recusaret, ipsa Virgo indicium, quod rei fidem faceret, pollicita est. Tunc Ioannes Didacus in ipso colle rosas alieno tempore delibatas pallio circumdedit episcopo tradendas. Evoluto pallio coram eo species Mariae mirabiliter confecta est. [[Miraculum|Miraculo]] persuasus, [[episcopus]] eodem loco ubi constituerat Virgo sacellum [[aedificium|aedificari]] iussit. Ita pietas erga Mariam propagata est, ut non solum apud indigenas, sed etiam per totam [[America Latina|Americam Latinam]], sub [[Nostra Domina Guadalupensis|Guadalupiae hispanicae civitatis Virginis]] titulo, coleretur.