Quantum redactiones paginae "Alexander (Aristobuli filius)" differant

Content deleted Content added
No edit summary
No edit summary
Linea 2:
'''Alexander''' (mortuus [[49 a.C.n.]]), domo Hasmonaeorum in [[Iudaea]] regnante ortus, fuit filius [[Aristobulus II|Aristobuli II]] qui [[Hierosolyma|Hierosolymis]] regnavit inter 67 et [[63 a.C.n.]] et frater [[Antigonus II (rex Iudaeorum)|Antigoni II]] qui regnavit inter 40 et [[37 a.C.n.]]. Sobrinam [[Salome Alexandra|Salomen Alexandram]], filiam patrui et summi sacerdotis [[Hyrcanus II|Hyrcani II]], uxorem duxit e qua genuit [[Mariamme I|Mariammen]], uxorem futuram [[Herodes Magnus|Herodis Magni]] ab ipso marito morte damnatam, et Aristobulum III qui per aliquot menses summus sacerdos fuit antequam iussu eiusdem Herodis per insidias interficeretur.
 
Pompeius postquam anno 63 a.C.n. Hierosolyma expugnavit regem Aristobulum II cum liberis Romam secum duxit, ut [[Triumphus|triumphum]] ornarent. At Alexander eorum custodiam fefellit et in Iudaeam rediit ubi congregatis circum se fautoribus monarchiae armatis manibus totam regionem infestabat . Mox tamen Romanorum exercitus vi impar a [[Fasti legatorum Syriae|proconsule]] [[Aulus Gabinius|Gabinio]] oppressus est<ref>[[Flavius Iosephus]], ''[[De bello Iudaico|BI]]'' I.160-174. ''[[Antiquitates Iudaicae|Ant. Iud.]]'' XIV.82-90</ref>. Precibus maternis datum est ut salvus dimitteretur.
 
Sed anno [[49 a.C.n.]] bello civili inter [[Pompeius|Pompeium]] et Caesarem flagrante [[Quintus Caecilius Metellus Pius Scipio Nasica|Scipio]], Pompei socer, qui tum copias in Syria Pompeianis partibus legebat, Alexandrum ad tribunal suum vocavit et accusavit quod Romanis infestus fuisset ; iussu Pompei morte damnatus Alexander [[Antiochia ad Orontem|Antiochiae]] decollatus est. Pompeiani enim timebant ne Caesar Aristobuli filios ad seditiones contra [[Hyrcanus II|Hyrcanum]] et [[ Antipater (Herodis Magni pater)|Antipatrem]], eorum socios in Iudaea, movendas adhiberet. Eodem anno et pater Aristobulus ab eis veneno interceptus est, cui Caesar duas legiones tradere in animo habebat<ref>''[[De bello Iudaico|BI]]'' I.185. ''[[Antiquitates Iudaicae|Ant. Iud.]]'' XIV.125</ref>.