Quantum redactiones paginae "Herodes Magnus" differant

Content deleted Content added
Linea 6:
 
== Vita ==
Herodes, filius [[Antipatri Idumaei]], anno [[47 a.C.n.]] praefectus [[Galilaea]]e creatus est. Primo [[Gaius Cassius Longinus|Cassium]] [[Marcus Iunius Brutus|Brutumque]] secutus est; dein [[Marcus Antonius|M. Antonio]] totum se dedit, cum [[Phasaelus|Phasaelo]] fratre, [[tetrarcha]] Iudaeae factus. Postea, Antonio annitente, a Senatu Romano rex dictus, et [[Antigonus II Mattathias(rex Iudaeorum)|Antigonus II]], eius aemulus, capite multatus est. Ductâ [[Mariamme I]], filiâ [[Alexander Maccabaeus|Alexandri]] nepte [[Aristobulus II|Aristobuli II]], Aristobulo fratri eius pontificatum contulit; mox eum mergi, et [[Hyrcanus II|Hyrcanum II]] avum, aetatis 80, interimi iussit. Victo ad [[Actium]] Antonio, ab [[Augustus (imperator)|Augusto]] in insula [[Rhodos|Rhodo]] veniam nactus, post reditum [[Soëmus|Soëmum]] primo, dein Mariammen necavit: eius furiis postmodum misere exagitatus. Exin [[Alexandra Maccabaea|Alexandram]] huius matrem interfecti, nec amicissimis parcens, sororis [[Salome I|Salomes]] maritum, omnesque de stirpe [[Domus Hasmonaea|Hasmonaeorum]] e medio sustulit. Humanitatem utcunque erga Iudaeos, pestis famisque tempore, testatus est. Reparavit [[Templum Hierosolymitanum|templum]], sed et theatro atque amphitheatro exstructo, quinquennales in Augusti honorem ludos celebravit: ibi ipso e [[Syria]] reverso, trium novarum provinciarum dominio donatus. Hinc porro templum in [[Trachonitis|Trachonitide]] imperio sacravit, et [[Caesarea Maritima|Caesareae]], alio templo condito, [[colossus|colossum]] erexit, qui [[Iuppiter Olympicus|Iovem Olympicum]] mole aequaret. [[Agrippa]]m [[Hierosolyma|Hierosolymis]] magnificentissime excepit, annoque post viribus, consiliis suâque personâ ipsi praesto fuit. Hinc [[Roma]]m profectus est, ut Augustum inviseret, filios dein suos in eius aula educatos, Alexandrum et Aristobulum, in Iudaeam reversus occidit, superaddito paulo post calumniatore illorum Antipatro, quem adhuc privatus genuerat. In morbum implicitus, [[Iudas filius Sepphoraeus|Iudam]] et [[Matthias filius Margali|Matthiam]], doctores celebres, a quibus concitata iuventus aquilam inauratam de apice templi decusserat, vivos comburi iussit.<ref>Magna pars huius paragraphi translata est a commentario [http://www.uni-mannheim.de/mateo/camenaref/hofmann/hof2/s0500b.html de Herode] in [[Iohannes Iacobus Hofmannus|Hofmanni]] ''[[Lexicon universale|Lexico universali]]''.</ref>
 
== In Bibliis ==