Quantum redactiones paginae "Aristobulus II" differant

Content deleted Content added
No edit summary
No edit summary
Linea 5:
 
Militibus ad se transfugientibus facile eum prope [[Iericho|Ierichuntem]] vicit. Mox, pactione inter fratres facta, Aristobulus sibi regnum et summum sacerdotium assumpsit dum Hyrcanus privata vita contentum fore pollicetur. Ac fortasse pacta observasset nisi [[Antipater (Herodis Magni pater)|Antipater]], vir fortis et strenuus e nobilibus [[Idumaea|Idumaeis]], qui Aristobulum oderat et regnantem timebat, Hyrcano persuasisset ut [[Petra (urbs antiqua)|Petram]] apud [[Nabataei|Nabataeorum]] regem [[Aretas III|Aretan III]], quicum amicitiae necessitudine obstrictus erat, confugeret et societatem cum eo adversus fratrem coniungeret<ref>''BI'' I.123-126. ''Ant. Iud.'' XIV.8-19</ref>.
[[Fasciculus:Https://en.wikipedia.org/wiki/Aristobulus II|thumb|Regnum Aristobuli II post matris mortem, ante Romanorum adventum]]
 
Antipater et Aretas iam Aristobulum Hierosolymis obsidebant cum legatus Pompei [[Marcus Aemilius Scaurus (iunior)|Aemilius Scaurus]] in regionem advenit (nam tum Romani Pompeio duce cum [[Tigranes Magnus|Tigrane]] [[Armenia|Armeniorum]] rege bellum gerebant). Qui causa amborum fratrum audita et accepta pecunia secundum Aristobulum iudicavit. Nabataei domum reverti coacti sunt, quos insuper in itinere lacessebat Aristobulus ita ut multi perierint. Mox ipse Pompeius in Iudaeam pervenit atque auditis fratribus litem de integro decidit. Quia fautores Aristobuli portas Hierosolymitanas ei aperire recusabant, eorum regem in vincula coniecit et [[Templum Hierosolymitanum|templum]] vi expugnavit ([[63 a.C.n.]]). Vix Hyrcani et Antipatris precibus concessit ne templum diriperetur aut incenderetur. Tum Hyrcanum in summum sacerdotium et priorem dignitatem restituit quidem sed finibus regni paterni plures urbes et pagos ademit et tributum quotannis solvendum ei imposuit. Nec Iudaea regnum sui iuris fuit quia Hyrcanus rex appellatus non est. Re vera potentia in posterum penes Antipatrem erat qui et ipse Romanis oboediens erat eo magis quo [[Syria (provincia Romana)|provincia Syria]] nuper creata proxime supersideret. Aristobulus vero a Pompeio captivus cum liberis Romam abductus ut [[Triumphus|triumphum]] ornarent<ref>''BI'' I.127-158. ''Ant. Iud.'' XIV.19-79</ref>.