[[Fasciculus:VergiliusRomanusFolio9r.gif|thumb|Ultima verba eclogae tertiae: liber manu scriptus saeculi V ([[Vergilius Romanus]] f. 9r)]]
"'''Dic mihi, Damoeta, cuium pecus? an Meliboei?'''" incipit [[ecloga]] tertia libri [[Bucolica|Bucolicorum]] [[Publius Vergilius Maro|P. Vergilii Maronis]]. Haec ecloga, prima fortasse omnium a Vergilio scriptarum, ante annum fere [[42 a.C.n.]] composita est si recte ad hunc annum attribuitur [[Quo te Moeri pedes|ecloga nona]] eiusdem libri, in quo pastore Moeris asseverat carmina titulo "[[Formosum pastor Corydon|Formosum Corydon ardebat Alexin]]" et "Cuium pecus? an Meliboei?" iam ab amico [[Menalcas|Menalca]] composita. Menalcas Vergilium ipsum figurare proponitur.
"Dic mihi, Damoeta ..." sunt verba quibus persona Menalcas hunc dialogum coepit; quo dialogo Menalcas a poeta seniori, nomine Damoeta, ad certamen incitatur. Laudes [[Gaius Asinius Pollio|C. Asinii Pollionis]], Vergilii hoc tempore patroni, in dialogo intertexuntur. Multa in hac ecloga poeta e [[Theocritus|Theocriti]] carminibus dempsit, et praecipue ex [[Viatores (Theocritus)|idyllio quinto]]. In eadem ecloga verba "[[Ab Iove principium]]" leguntur quae ad initium carminis [[Aratus Solensis|Arati]] alludunt.
