His rebus gestis [[Hamilcar Barcas]] Barcinus Catulum consulem legatos misit pacem oratum. [[Pactum Lutatium|Pacto Lutatio]] dicto composito denique bello sistere consenserunt hac condicione, ut Poeni Siciliam insulam omnino vacuarent Romanisque 2200 talenta per spatium viginti annorum solverent. Postquam haec in contione disputata sunt stipendium ad 3200 talenta auctum, spatium quidem ad decem annos reductum est. Praeterea etiam omnes insulae inter Siciliam et Africam sitae eis cedendae erant. Ideo Carthaginiensibus non solum magna clades parata est, sed etiam opes ad socios retinendos subductae sunt, quare magnum bellum intestinum in Africa inter illis et Numidis exarsum est (241–238). Etiamsi Poenorum res publica hoc bello maxime debilitata est, eius vires insequentibus annis ad imperium retinendum pares fuisse videntur.
