Quantum redactiones paginae "Georgius Carolus Huysmans" differant

Ut originem [[Nederlandia|Batavicam]] patris honoraret, praenomen Joris-Karl sumens primum librum ''Le Drageoir à épices'' anno 1874 edidit. Cum sermo eius singularis, verborum supellex, dicacitas, amplissima doctrina, res minutatim narratae laudari non desisterent, Huysmans auctoritate [[Aemilius Zola|Aemilii Zola]] motus primo se scriptoribus [[Naturalismus humanisticus|naturalisticis]] applicavit. Post medios annos octogesimos autem vehementer pertinuit ad litteras [[Decadentismus|decadentismi]]. Non solum fabulas, sed etiam commentaria de arte scribens picturam [[Impressionismus|impressionisticam]] et [[Symbolismus (artes)|symbolisticam]] adiuvavit.

Opus illustrissimum est fabula romanensis ''À rebours'' (edita anno 1884); Huysmans iuvenem nomine Des Esseintes ostendit qui a societate civili abhorrens domum recedit, se totum studio [[aesthetica|aesthetico]] et [[mystica|mystico]] dedit, fere mente turbatur. Nota est bibliotheca in capite tertio descripta quae latinitate cum classica condemnata, tum corrupta praedicata a [[Petronius|Petronio]] inchoat et in scriptoribus invasionum barbaricarum atque ineuntis medii aevi deficit. Summus liber ''À rebours'' etiam «breviarium decadentiae» ([[Arthurus Symons]]) habitum est, Huysmans a [[Stephanus Mallarmé|Stephano Mallarmé]] (is carmen ''Prose pour Des Esseintes'' scripsit), [[Anscharius Wilde|Anschario Wilde]] aliisque auctoribus aetatis quae [[finis saeculi]] ''(fin de siècle)'' dicitur, dilectus est.

Scripta eius opinione [[pessimismus|austerrima]] insignia sunt, quae philosophiam [[Arthurus Schopenhauer|Arthuri Schopenhauer]] ei commendavit. Huysmans qui puer se a fidem catholicam removerat et in libro ''Là-bas'' (edito anno 1891) missam ad satanam venerandum descripserat, annis nonagesimis tamen magis magisque ad ecclesiam obvertus est quod per opera huius temporis eminuit. Particeps [[Renovatio catholica (litterae)|Renovationis catholicae]] vel commune artificibus catholicis cogitavit instituendum in municipio [[Ligugé]] quo Benedictini abbatiam mediaevalem aedificaverant. Anno 1900 una cum aliis scriptoribus [[Academia Goncourt|Academiam Goncourt]] ad litteras linguae Francogallicae fulciendas condidit.