Quantum redactiones paginae "Vita Augusti (Nicolaus)" differant

'''Vita Augusti''' est opus biographicum [[Graece]] a [[Nicolaus Damascenus|Nicolao Damasceno]], imperatoris coaevo, scriptum. Huius operis quinque fragmenta tantum ad tempora nostra pervenerunt; eventa in illis relata non ultra mensem novembrem anni [[44 a.C.n.]] procedunt : itaque ad [[Augustus (imperator)|Augusti]] educationem iuventutemque et ad [[Gaius Iulius Caesar|Caesaris]] successionem pertinent. Praeterea laudatio potius quam historia critica videri potest : sive enim circa 20 a.C.n. sive ut nonnulli volunt circa 8 a.C.n. librum suum perfecit certe Nicolaus, qui [[Herodes Magnus|Herodis Magni]] minister et legatus erat, certe Augusti benevolentiam adsentatione captare cupiebat. Saepe biographiam quam de se ipso composuerat Augustus in linguam Graecam converisse creditur (quae hodie deperdita est).