Quantum redactiones paginae "Lucius Plautius Plancus" differant
Content deleted Content added
Linea 3:
Natus '''Gaius Munatius Plancus''' et frater [[Lucius Munatius Plancus|Lucii Munatii Planci]] consulis [[42 a.C.n.]] in gentem Plautiam, quae tum nobilior erat gente Munatia, a Lucio Plautio adoptatus est cuius praenomen et nomen sibi assumpsit. Ita Lucius Plautius (vel Plotius) Plancus dicebatur<ref>D.R. Shackleton Bailey, ''Two Studies in Roman Nomenclature'', 1991 : 124.</ref>.
==De cursu honorum==
* 47 a.C.n. [[Denarius|denarium]] signavit : [[Persona]] caput [[Medusa|Medusae]] praeferens L.PLAVTIVS / [[Aurora (mythologia)|Aurora]] (vel Victoria ?) [[Quadrigae|quadrigas]] [[Sol (deus)|Solis]] manu ducens PLANCVS<ref>[http://www.britishmuseum.org/research/publications/online_research_catalogues/catalogue_image.aspx?objectId=1146668&partId=1&searchText=plancvs&orig=/research/publications/online_research_catalogues/russian_icons/catalogue_of_russian_icons.aspx&sortBy=catNumber&numPages=12¤tPage=1&catalogueOnly=True&catparentPageId=29126&output=bibliography/!!/OR/!!/6738/!//!/A+catalogue+of+the+Roman+Republican+Coins+in+the+British+Museum,+with+descriptions+and+chronology+based+on+M.H.+Crawford,+Roman+Republican+Coinage+(1974)/!//!!//!!!/&asset_id=623901001 Babelon, Plautia 14/15. Crawford 453.1.]</ref>. Haec ectypa [[Numismatica|numismatistae]] e fabula ab [[Ovidius|Ovidio]] sexto libro ''[[Fasti (Ovidius)|Fastorum]]''<ref>VI.651-695. Cf. [[Titus Livius]] IX.30.</ref> narrata interpretari solent : anno [[312 a.C.n.]] [[Appius Claudius Caecus]] [[censor]] numerum [[Tibicen|tibicinum]] minuere volebat qui hoc aegre ferentes [[Tibur]] secesserunt atque a plebe Romana vehementer desiderabantur. Tum collega Appii in [[Fasti censorum Rei Publicae Romanae|censura Gaius Plautius Venox]] strategema invenit : tibicines opulentis conviviis oblatis ebrios fecit atque media nocte personas gerere iussos ne agnoscerentur plaustris dormientes revexit, cum Tibur redire crederent. Prima luce (unde figura Aurorae in denario) Urbem intravere. Postea invito Appio tibicines iura pristina retinebant et hic eventus quotannis [[Idus|Idibus]] Iuniis [[Quinquatria|Quinquatribus]] Minusculis dictis celebrabatur<ref>Varro, LL VI.17 : ''tibicines tum feriati vagantur per Urbem et conveniunt ad aedem Minervae''.</ref>. Ita ille denarius in honorem gentis Plautiae signabatur.
*44 a.C.n. Triumvir [[Buthrotum|Buthroti]]<ref>''[[Epistulae ad Atticum|Ad Att]].'' XVI.16.</ref> in [[Epirus (regio historica)|Epiro]] agris adsignandis praefectus.
*43 a.C.n. Praetor fratrem, tum Galliae comatae praefectum, frustra ad senatorias partes adlicere conabatur. Itaque cum triumviri rerum potiti sunt Lucium Plautium tertium nomen in albo proscriptorum posuerunt. Qui a sicariis praemii cupidine incitatis in agro [[Salernum|Salernitano]] repertus (eum odore unguenti investigasse dicuntur<ref>[[Plinius Maior|Plinius]] XIII.25.</ref>) sese ipse ex latebra tradidit ne quaestio servis suis diutius adhiberetur. Nam illi ubi dominus latuisset denuntiare recusabant<ref>[[Valerius Maximus|Val. Max.]] VI.8.5.</ref>. Rerum gestarum scriptor [[Velleius Paterculus]] illius proscriptionis ipsum fratrem Munatium Plancum accusabat et versum a militibus in eius [[Triumphus|triumpho]] cum collega [[Marcus Aemilius Lepidus (triumvir)|Marco Aemilio Lepido]] communi cantatum memorabat : ''[[De germanis, non de Gallis duo triumphant consules]]''<ref>[[Velleius Paterculus|Vell. Pat]]. II.67.</ref>.
| |||