Quantum redactiones paginae "Marcus Perperna Veiento" differant

[[Praetor]] factus tum cum [[populares]] rerum potiebantur anno [[82 a.C.n.]] [[Sicilia (provincia Romana)|Siciliae provinciae]] praeerat. Eodem anno Sullani Marianos ex Italia pellebant et [[Sylla]] [[Pompeius|Pompeium]] cum exercitu in Siciliam misit. Ne pugnam quidem committere ausus Perperna [[Proscriptio|proscriptiones]] effugit, fortasse in [[Liguria|Liguriam]]. Iam anno 78/77 a.C.n. sese cum consule [[Marcus Aemilius Lepidus (consul 78 a.C.n.)|Marco Aemilio Lepido]] ad novam popularem seditionem moliendam consociavit. At [[Quintus Lutatius Catulus (consul 78 a.C.n.)|Quintus Lutatius]] ad Romam Lepidum vicit qui in [[Sardinia (provincia Romana)|Sardiniam]] transiit ubi brevi obiit. Tum Perperna milites reliquos in Hispaniam traduxit. Primo [[Bellum Sertorianum|bellum]] per se gerere volebat contra Sullanos duces [[Quintus Caecilius Metellus Pius|Metellum Pium]] et Pompeium, mox cogentibus militibus sese cum Quinto Sertorio coniunxit, cui legatus per quinque annos fuit. Anno 72 a.C.n. sive ob invidiam quia illas secundas partes aegre ferebat et imperare cupiebat, ut volebat [[Plutarchus]]<ref>''Pompeius'' 15 et 25.</ref>, sive ut alii fontes referebant<ref>[[Titus Livius]], ''Periocha'' 96. [[Diodorus Siculus]] 37.22.</ref>, quia victoriae spe destitutus mores mutabat Sertorius et dux crudelis et superbus fiebat, imperatorem suum coniuratione facta fraude necavit. Quod factum nec feliciter nec fauste vertit : nam paulo post victus et captus, quamquam multos indicaturum pollicebatur qui Romae Sertorii consiliis occulte favissent, Perperna iussu Pompei interfectus est.