Quantum redactiones paginae "Marcus Aemilius Lepidus (consul 78 a.C.n.)" differant

Content deleted Content added
Linea 5:
 
==De cursu honorum==
Anno [[80 a.C.n.]] praetor in Sicilia erat et repetundarum accusabatur. Anno [[79 a.C.n.]] suffragante maximo studio [[Pompeius|Pompeio]] sed reluctante Sylla<ref>[[Plutarchus]], ''Sylla'', 24 et ''Pompeius'' 15.</ref> consul ad proximum annum [[Comitia|comitiis]] renuntiatus est, Lutatio Catulo prior. Magna dissensio inter collegas illos fuit : nam Lepidus leges Sullanas rescindere, exsules revocare, bona publicata et divendita pristinis dominis reddere, tribuniciam potestatem restituere obstantibus summo studio Lutatio et maiore parte senatorum conabatur. Exstat in fragmento ''Historiarum''<ref>I.55.</ref> oratio quaedam eius ad populum, vehemens quidem sed ab ipso [[Sallustius|Sallustio]] sine dubio composita. Mortuo dictatore obstabat ne funere publico honoraretur<ref>[[Plutarchus]], ''Pompeius'' 15. [[Appianus]], ''BC'' I.492-493</ref>. Nec quicquam ex his rebus efficere potuit adversantibus Catulo et Pompeio sed in [[Etruria|Etruriam]] ad seditionem quandam comprimendam cum exercitu a senatu missus postea revocatus Romam redire noluit dum alterum consulatum petit<ref>[[Sallustius]], ''Hist''. I..67.15 : "Alterum consulatum petis, quasi primum reddideris...". [[Plutarchus]], ''Pompeius'' 16.</ref>. AnnoImmo [[Gaius Marius|Marianos]] milites et duces qui in Gallia Cisalpina et Etruria nondum arma posuaerant sibi adjungebat et anno [[77 a.C.n.]] ineunte, quamquam proconsul [[Gallia Narbonensis|Galliae Transalpinae]] et [[Gallia Cisalpina|Cisalpinae]] factus, Lepidus Galliam Cisalpinam Marco Iunio Bruto in tergo obtinendam lelinquens exercitum suum Romam contra [[Senatus Romanus|senatum]] ducere instituit. Tum suadente [[Lucius Marcius Philippus (consul 91 a.C.n.)|Lucio Marcio Philippo]], viro [[Consularis|consulari]], [[senatus consultum ultimum]] edictum est cuius verba nobis servavit Sallustius<ref>''Historiae'' I.77.</ref> : ''uti Ap. Claudius interrex cum Q. Catulo pro consule et ceteris, quibus imperium est, urbi praesidio sint operamque dent nequid res publica detrimenti capiat''. Tum enim novi consules nondum creati erant quia comitia haberi non potuerunt : [[interrex]] rebus Romanis praeerat, e quo periculum maius fiebat. Nihilominus Lepidus a Quinto Lutatio Catulo, cui praesidium Urbis permissum erat et [[Pompeius|Gnaeo Pompeio]], statim et paene sine pugna in dextera [[Tiberis]] ripa ad [[Campus Martius|Campum Martium]] victus est quia a militibus deserebatur. In [[Sardinia (provincia Romana)|Sardiniam]] effugit ubi paulo post obiit incertum utrum uxoris Appuleiae desiderio quae divortium ei renuntiarat, ut quidem [[Plinius Maior]]<ref>[[Naturalis historia (Plinius)|NH]] VII.122 et 186.
Similia apud [[Plutarchus|Plutarchum]] (''Pompeius'' 16) leguntur qui uxorem adulteram fuisse renuntiat.</ref> volebat, an 'morbo et paenitentia' ut scribebat [[Florus]]<ref>''Epitome'' II.11.</ref>. Quo mortuo eius comites Perperna duce in Hispaniam traduxerunt ubi novum bellum civile [[Quintus Sertorius|Quinto Sertorio]] duce gesserunt.