{{citatio|Graeca leguntur in omnibus fere gentibus, Latina suis finibus exiguis sane continentur.|[[Cicero]]: ''[[Pro Archia|Pro Archia poeta]]'', X, 23}}
'''Lingua Graeca antiqua communis''' sive '''Dialectus communis'''<ref>''"Dialectus communis''": {{Mithridates}} f. 2r</ref> ([[Graece]] {{Polytonic|διάλεκτος κοινή}}; hodie apud [[philologia|philologos]] ''Koine'') est lingua communis Graeca ab [[Hellenismus|Hellenismo]] (ca. [[300 a.C.n.]] usque in tempus [[Imperium Romanum|Imperii Romani]] (ca. [[300]] p.C.n.; secundum alios ca. [[600]]) adhibita. Hoc genus [[Lingua Graeca|linguae Graecae]] per multa saecula erat [[lingua franca]] regionum [[Mare Mediterraneum]] orientale circumiacentium et lingua altera [[Imperium Romanum|Imperii Romani]], quae etiam in provinciis occidentalibus longe lateque diffusa erat. Non solum lingua originalis [[Novum Testamentum|Novi testamenti]] est, sed etiam ad doctrinam Christianam propagandam maximi momenti erat.
