Quantum redactiones paginae "Proscriptio" differant
Content deleted Content added
No edit summary |
|||
Linea 4:
* [[Proscriptiones (43 a.C.n.)|Proscriptiones]] anno [[43 a.C.n.]] iussu [[Augustus (imperator)|C. Caesaris Octaviani]], [[Marcus Antonius|M. Antonii]] et [[Marcus Aemilius Lepidus (triumvir)|M. Aemilii Lepidi]] [[Triumviratus alter|triumvirorum]] [[Triumviri rei publicae constituendae consulari potestate|rei publicae constituendae consulari potestate]].
==Quid sit proscriptio a Sylla triumvirisque edicta==
Sylla et triumviri nomina inimicorum quos interficiendos iubebant tabulis dealbatis inscribebant quas in publico proponebant (hoc est 'pro-scribere'). Nec senatus auctoritatem nec iura populi Romani tum respiciebant sed ex sua libidine qui civium suorum morte digni essent iudicabant. Quorum nomina in tabulis legebantur "aqua et igni interdicebantur" : quo edicto eos domo accipere, tegere, occultare, cibo sustentare omnes vetabantur. Si qui secus fecerant eisdem poenis atque proscripti obnoxii erant. Si qui autem caput unius ex eis referebant, praemia accipiebant, ipsa capita ad [[Rostra]] in [[Forum Romanum|Foro]] exponebantur, omnibus terrori ut essent. Si triumvirum edictum proscriptionis legere volueris, invenies apud [[Rerum gestarum scriptor|rerum gestarum scriptorem]] [[Appianus Alexandrinus|Appianum]]<ref>''Bell. civ.'' IV,8-11.</ref> ab ipso Graece conversum.
Re vera non tantum inimici sed etiam homines insontes et divites bonorum publicandorum causa proscribebantur (plerique [[Senatus Romanus|senatores]] aut [[Eques Romanus|equites]] erant). Multi quoque qui proscripti non erant sive per errorem sive per fraudem malivolentiamque necabantur. Multi invicem anno 43/[[42 a.C.n.]] proscripti effugere potuerunt dum ad [[Sextus Pompeius|Sextum Pompeium]], qui tum classe collecta mari potiebatur et [[Sicilia (provincia Romana)|Siciliam]] in dicionem suam redegerat et omnes fugitivos benigne accipiebat tuebaturque, transeunt. In quorum numero fuere qui in pristinam dignitatem postea restituti ad [[Consul|consulatum]] [[Censor|censuramque]] pervenerint vel claris sacerdotiis ornati sint. Nam ipsi triumviri nomina quaedam e tabulis eradere, alia in eorum locum addere solebant<ref>[[Cassius Dio]] XLVII,12.</ref>. Nec mirum igitur si qui moralia documenta ex historiis capere solent, ut [[Valerius Maximus]] vel etiam [[Appianus Alexandrinus|Appianus]] quarto libro ''Romaïkon'', multa exempla sive sceleratissimae proditionis sive mirabilis fidei e casibus illorum miserrimorum temporum duxerunt, de vicissitudinibus fortunae ut taceam...
| |||