'''Bangladesa''',<ref>[[Tuomo Pekkanen]] & [[Reijo Pitkäranta]], ''Lexicon hodiernae Latinitatis Finno-Latino-Finnicum''. Societas Litterarum Finnicarum, Helsinki, 2006; [[Ebbe Vilborg]], ''Norstedts svensk-latinska ordbok''. Andra upplagan. Norstedts akademiska förlag, Stockholm, 2009.</ref> seu '''Bangladesha''',<ref>"Tempestas in Bangladesha": ''[https://archive.org/stream/NewsInLatinByReijoPitkaerantaAndTuomoPekkanen2005To2012/LatinitasModernaNuntiiLatiniLatinNews_djvu.txt Nuntii Latini]''</ref><ref>Vb. adiect. "Bangladeshiensis", cf. ''[[Streptomyces bangladeshiensis]]''; "Bangladesanus": ''[https://archive.org/stream/NewsInLatinByReijoPitkaerantaAndTuomoPekkanen2005To2012/LatinitasModernaNuntiiLatiniLatinNews_djvu.txt Nuntii Latini]''</ref> [[Bengalice]] plene গণপ্রজাতন্ত্রী বাংলাদেশ (scilicet "res publica terrae Bengalicae") est [[civitas sui iuris]] in [[Asia Meridiana]], ad [[Sinus Gangeticus|Sinum Gangeticum]] sita in [[delta (terra)|delta]] [[palus|paludosa]] quod [[flumen|flumina]] [[Ganges]] et [[Brahmaputra]] formant. Huius nomen 'civitatem Bengali' sive 'Bengalum liberum' [[lingua Bengala|Bengalice]] significat. Quomdam [[Pakistania]] [[Pakistania Orientalis|Orientalis]] appellabatur, a Pakistania anno [[1971]] liberata est.
[[India]]e septemtrione, oriente, et occidente, dum austroriente [[Birmania]]e et meridie [[Sinus Gangeticus|Sinui Gangetico]] finitima est. Civitas frequentatissima est, cum amplius 130 [[millio]]num incolarum. [[Caput (urbs)|Caput]] civitatis est [[urbs]] [[Dacca]], cui plus quam 11 milliones, et secunda urbs praecipua est [[Deltagangopolis]] ([[Bengalice]] চট্টগ্রাম), cui plus quam 3 milliones incolarum sunt. [[Geographia|Geographice]], civitas super fertile [[delta Gangis]] et [[Brahmaputra]]e iacet et annuis [[hippalus|hippali]] diluviis et [[typhon marinus|typhonibus]] obnoxius est.
