Quantum redactiones paginae "Mun Jaein" differant

Patre ex urbe [[Hamhung]] [[Corea Septentrionalis|Coreae septentrionalis]] refugo, Mun Jaein in urbe [[Busan]] educatus atque apud [[universitas Kyung Hee|universitatem Kyung Hee]] eruditus est, ubi iuribus studuit. Ab universitate expulsus et incarceratus propter res novas contra dictaturam agitatas, in exercitum coactus est. Annis [[1980]] advocatus cum [[No Mu-hyeon]] operam dedit, deinde secretarius principalis iuxta eundem qui candidaturam ad officium praesidis bono successu protulit. Quo postea a munere deiecto suaque manu mortuo, Mun Jaein de obsequiis et hereditate curavit. Tardius res publicas suscepit, [[factio democratica unita (Corea meridiana)|factionis democraticae unitae]] sodalis. Legatus est ad [[parlamentum Coreae meridianae]] a die [[11 Aprilis]] [[2012]]. Eodem anno candidatus est ad praesidium, aemula [[Bak Geunhye]] quae victoriam reportavit. Destituta et illa, locum praesidis pro tempore [[Hwang Gyo-an]] tenente, comitiis mense Maio 2017 habitis, Mun Jaein primus accessit. Die [[10 Maii]] [[2017]] praeses rite inductus est.