Quantum redactiones paginae "Fridericus Nietzsche" differant

Fridericus Nietzsche, Caroli Ludovici Nietzsche [[pastor]]is [[Lutheranismus|Lutherani]] [[uxor]]isque Franciscae Oehler [[filius]], natus est [[Röcken]] in [[oppidum|oppido]] [[Saxonia]]e (eo tempore [[provincia]]e [[regnum|regni]] [[Borussia]]e) die natali regis [[Fridericus Gulielmus IV (Rex Borussiae)|Friderici Gulielmi]], cuius praenomina accepit. [[Pater|Patrem]] ob morbum cerebri annum quintum agens amisit. [[Mater]] [[familia]]m ad [[urbs|urbem]] [[Naumburg]] migravit, ubi iuvenis ab anno [[1858]] [[gymnasium]] [[Schola ad Portam:en:Pforta|Portam Scholae]] frequentavit. Anno [[1864]] apud [[Universitas Bonnensis|universitatem Bonnensem]], [[professor]]e [[Fridericus Gulielmus Ritschl|Friderico Gulielmo Ritschl]], annisque insequentibus [[Lipsia]]e eodem tutore qui cum discipulo se ad hanc [[Alma Mater Lipsiensis|Almam Matrem]] commovit, profunde [[litterae|litteris]] [[lingua Graeca|Graecis]] [[Lingua Latina|Latinisque]] institutus est. Ad munus professoris earundem litterarum in [[Universitas Basiliensis|Universitate Basiliensi]] annum vicesimum quartum agens convitatus est; ibi lectionem inauguralem anno [[1869]] proposuit, titulo ''[[Homer und die klassische Philologie]]''. His annis varia [[philologia|philologica]] divulgavit de [[Theognis|Theognide]], de [[Homerus|Homero]], de ''[[Certamen Homeri et Hesiodi|Certamine Homeri et Hesiodi]]'', de [[Diogenes Laertius|Diogene Laertio]] [[biographia|biographo]] philosophorum.