Quantum redactiones paginae "Antonius Augustinus" differant

'''Antonius Augustinus''' (Hispanice Antonio Agustin ; natus [[Caesaraugusta|Caesaraugustae]]e die 26 februarii 1517 - mortuus [[Tarraco|Tarracone]]ne die 31 maii 1586) fuit [[Episcopus|episcopus]] [[Ilerda (provincia)|Ilerdensis]] atque ab anno 1576 [[Archiepiscopus|archiepiscopus]] [[Tarraco (provincia)|Tarraconensis]]. Ob eruditionem clarus erat : in primis [[Iurisconsultus|iurisconsultus]] fuit in [[Ius canonicum|iure canonico]] (auditor in [[Rota Romana]] per decem annos fuit) et in [[Ius Romanum|iure Romano]] peritisimus, qui nobis egregiam editionem [[Decretalia |Decretalium pontificalium]] reliquit. Ut qui discipulus [[Andreas Alciatus|Andreae Alciati]] fuerat, [[Humanista|humanistarum]] doctrinam iuris sequebatur, qui omissis additamentis et commentariis [[Medium aevum|mediaevalibus]] ad fontes antiquos redire volebant, veri iuris Romani restituendi causa : itaque Augustinus saepe [[Philologia|philologicam]] methodum iurisprudentiae adhibuit.

Numismatista et antiquarius quoque fuit qui [[Numisma|numismata]] et cetera realia antiqua magno sumptu studioque colligebat atque explanare conabatur. Liber Hispanice compositus et anno post mortem eius (1587) in lucem editus, ''Dialogos de medallas...'' inscriptus, optima e toto sedecimo saeculo dissertatio de antiqua re nummaria habetur. Bis eodem anno (1592) in linguam Italianam diverse conversus est<ref>[http://dlc.mpdl.mpg.de/dlc/view/escidoc:7163:11/recto-verso Hic interpretationem Italianam Dionysii Octaviani Sada legere potes.] </ref> <ref>[https://archive.org/details/discorsidelsdona00agus Hic alteram interpretationem Italianam legere potes]</ref> atque postea pater [[Iesuitae|Iesuita]] [[Andreas Schottus]] eum Latine interpretatus est<ref>Antverpiae, 1617 cum collectaneo nummorum ducis Croiaci publicata. [https://books.google.fr/books?id=n4bLHowMuNEC&printsec=frontcover&hl=fr&source=gbs_ge_summary_r&cad=0#v=o Hic legere potes]</ref>. Quae interpretatio saepissime usque in octavum decimum saeculum reedita est. Ante ipsos dialogos A. Schott vitam Antonii Augustini posuit e funebri oratione ductam quam ipse mortuo amico habuerat.

== De vita ==

=== Studia ===

Primum universitates [[Complutum (Hispania)|Alcalae]] et [[Salmantica (Hispania)|Salmanticae]] in Hispania frequentavit. Anno 1536 in Italiam transiit ubi studiorum cursum [[Bononia|Bononiae]]e et [[Padua|Patavii]] peregit, quae tunc [[Facultas (universitatis)|iurisprudentiae facultatibus]] praeclarae urbes erant. Bononiae [[Andreas Alciatus|Andream Alciatum]] quoque novam iurisprudentiam docentem et ad fontes iuris revocantem diligenter audivit.

=== Cursus honorum in Ecclesia ===

Anno 1561 suffragante rege Philippo episcopus Ilerdensis factus est sed a papa [[Pius IV|Pio IV]] retentus [[Concilium Tridentinum|Concilii Tridentini]] deliberationibus ut interesset, ubi de maximis rebus saepe consulebatur, usque ad annum 1564 in Italia remansit.

== De operibus ==

Nulla re tamen aeque delectabatur quam antiquorum nummorum vel inscriptionum investigatione et inspectione veterum librorum manuscriptorum. Itaque de curis innumeris ad munera ecclesiastica pertinentibus in familiaribus epistulis queri solebat, quia tempus ad studia dilecta peragenda sibi deesse dolebat<ref>Epistolae ad F. Ursinum in ''Opera omnia'' VII, p. 247 et 260.</ref>. Nam multos eruditos amicos Romae colebat (in primis [[Fulvius Ursinus]] et [[Onuphrius Panvinius]]), quorum desiderio in Hispaniam relegatus premebatur : quapropter plurimas epistolas, de rebus Romanis ut certior fieret, eis mittebat, quorum magna pars nobis servata est.

Magna editio operum omnium Antonii Augustini octo voluminibus in-folio digestorum [[Luca|Lucae]]e inter 1765 et 1774 in lucem prodiit<ref> ''Antonii Augustini opera omnia'', Lucae : Iosephus Rocchius, 1765-1774 [http://catalog.hathitrust.org/Record/009264458 Hic legere potes] </ref>, in qua libris sedecimo saeculo publicatis addita sunt biographia et inventarium eius nummorum<ref>Vol. 8.</ref> et epistulae ad familiares<ref>Vol. 7</ref> variaque opuscula non antehac edita. Quae opera in tres scientias dividere licet : 1) Iurisprudentia 2)Philologia (editio auctorum antiquorum) 3)Historia et res antiquaria

=== Iurisprudentia ===

Praetermissis synodorum actis ceterisque scriptis ad officium episcopale attinentibus (ipse Augustinus typographum Ilerdam ac postea Tarraconem arcessiverat, ita diffusionis artis typographicae in Hispania fautor fuit) praecipui libri eius ad iura pertinentes hi sunt :

* 1544 : ''Emmendationum et opinionum libri quattuor... His libris maxima juris civilis pars ex Florentinis pandectis emendatur et declaratur...<ref>Lugduni : apud Sebastianum Gryphium et Basileae apud Oporinum [http://reader.digitale-sammlungen.de/de/fs1/object/display/bsb10941929_00002.html Hic legere potes].</ref>'' : Primus liber Antonii Augustini eum viginti sex annos tantum natum statim clarum fecit. Nam postquam vetustissimum (VI saec.) codicem [[Pandectae|Pandectarum]] [[Iustinianus I|Iustiniani imperatoris]] [[Florentia|Florentiae]]e servatum diligenter inspexit, ostendit omnes Pandectas quae medio aevo circumferebantur et copiosis commentariis illustrabantur ultimo ad manuscriptum Florentinum velut ad archetypum referendas esse. Ita auctoritatem volgatarum Pandectarum et earum commentatorum tollebat : nam si quid ab archetypo differebant errores vel adulterationes necesse inesse constabat.

* 1567 : ''Constitutionum graecarum codicis Justiniani imperatoris, collectio et interpretatio. Juliani Antecessoris constantinopolitani novellarum ejusdem imperatoris epitome, additis latinis quibusdam novellis constitutionibus ejusdem. Cum paratitlis, siue scholiis<ref>Ilerdae : Petrus Roburius.</ref>'' Editio Graecolatina.

* 1576 : ''Antiquae collectiones decretalium<ref>Ilerdae impressum [http://www.liburuklik.euskadi.net/applet/libros/JPG/fs02/S-XVI-2183/S-XVI-2183.pdf Hic legere potes]</ref>''

=== Philologia classica ===

Tempore quo in Italia vitam agebat duos auctores antiquos edidit qui de lingua et grammatica Latina dissertationes composuerant : [[Varro Reatinus|Varronem]] et [[Verrius Flaccus|Verrium Flaccum]] (a Festo abbreviatum). Amborum manuscripta traditio difficillima et corruptissima erat.

=== Antiquitates et numismata ===

* 1577 : ''Ex libro de familiis Romanorum Antonii Augustini ep. Ilerdensis'' : sic inscripta est secunda pars libri [[Fulvius Ursinus|Fulvii Ursini]] ''Familiae Romanae quae reperiuntnr in antiquis numismatibus<ref> Romae : curantibus heredib. F. Tramezini. [http://dlc.mpdl.mpg.de/dlc/view/escidoc:7152:2/recto-verso Hic legere potes]</ref>'' In quo libro Antonius Augustinus historiae triginta nobilium gentium Romanarum antiquarum ordine alphabetico digestarum (a gente Acilia usque ad gentem Pompeiam) studuit dum cognomina variorum ramorum et [[Magistratus|magistratus]] et [[Triumphus|triumphos]] et ceteras res gestas ab historicis vel titulis lapidibus inscriptis de unaquaque earum traditas recenset. Prosopographia huiusmodi maxime utilis erat ad nomina in veteribus [[Nummi|nummis]] inscripta adgnoscenda atque coniecturas de triumvirorum [[Genealogia|genealogia]] faciendas. Nam [[Triumviratus|triumviri monetales]] etsi plerumque nobili genere nati admodum iuvenes adhuc erant cum magistratum illum inibant ; quapropter plerique eorum nobis parum noti vel etiam omnino ignoti. Augustinus prosopographiae eiusdem generis operam dedit cum [[Iurisconsultus|iurisconsultos]] in [[Pandectae|Pandectis]] memoratos recensuit vel cum leges antiquas, quae a magistratibus qui eas tulerant appellari solebant, enumeravit in libro de senatusconsultis et legibus antiquis. Titulus ipse has triginta familias partem maioris operis fuisse indicare videtur.

* 1587 : ''Diálogos de medallas, inscripciones y otras antigüedades<ref>Tarracone, Felipe Mey. [http://www.bibliotecavirtualdeandalucia.es/catalogo/consulta/registro.cmd?id=1039194&bt=europeanaapi Hic reeditionem anni 1744 legere potes], [http://bildsuche.digitale-sammlungen.de/index.html?c=viewer&bandnummer=bsb00055878&pimage=7&v=2p&nav=&l=en Hic primam editionem sed non omnes paginas]</ref>'' Hic liber posthumus, multis nummorum ectypis illustratus, est opus paedagogicum in undecim dialogos divisum, qui sermones referunt inter magistrum et duos discipulos (vel saltem discere cupientes) habitos, qui A B C notati sunt. Scilicet magistrum ipse Augustinus agit, qui rudimenta antiquitatum Romanarum Hispanarumque docet atque sententiam suam de rebus tum inter eruditos disceptatis profert (e.g. an iam Romanorum tempore nomismata fuerint qui non monetae vice fungerentur sed tantum commemorationis honorisque causa cuderentur). Hispanice hunc librum composuit ut quam plurimos lectores adliceret : ita enim sperabat illud genus studiorum apud populares suos divulgaturum esse. Illa methodus per dialogos fictos docendi tunc temporis non raro adhibebatur.

== Collegamenti sterni ==

* [http://www.bib.ub.edu/cgi-bin/awecgi?db=pos&o1=query&o2=exact&x1=POS&k1=agusti+i+albanell,+antoni,+1517-1586 «Agustí i Albanell, Antoni, 1517-1586»] [http://www.bib.ub.edu/fileadmin/posseidors/cerca.htm Antics Posseïdors] ([http://crai.ub.edu/ca/coneix-el-crai/biblioteques/biblioteca-reserva Universitat de Barcelona. CRAI Biblioteca de Reserva])

== Fontes ==

* Adela Barreda et Carbonell Manils, «Filología, numismática y prosopografía: La síntesis de Antonio Agustín y Fulvio Orsini», in : ''XIII Congreso Internacional de Numismática'', [[Matritum|Matriti]]: Ministerio de Cultura, 2005 : 59-68. [http://www.mcu.es/museos/docs/MC/ActasNumis/Filologia_numismatica.pdf Hic legere potes]

* I. Carbonell Manils, «Fulvio Orsini i Antonio Agustín, precursors de la moderna numismàtica». ''Annals de l'Institut d'Estudis Gironins'', vol. XXXII, 1992-93 : 169-186. [http://raco.cat/index.php/AnnalsGironins/article/view/54075/64510 Hic legere potes]

** ''Epigrafia i numismàtica a l'epistolari d'Antonio Agustín (1551-1563)'', [[Barcino|Barcinone]]ne, 1991. [http://www.tdx.cat/handle/10803/5551 Hanc dissertationem academicam hic legere potes]

* I.L. Ferrary, ''Correspondance de Lelio Torelli avec Antonio Agustín et Jean Matal (1542-1553)'', Biblioteca di Athenaeum, 19, Côme, 1992

* Marcus Mayer, 'Towards a History of the Library of Antonio Agustín', ''Journal of the Warburg and Courtauld Institutes'', 1997, 60 : 261-272

* Iohannes-Michael Simon, ''Le monnayage gentilice de la République romaine vu par les érudits des XVIe et XVIIe siècles'' , [[Schola Chartarum (Lutetia)|Schola Chartarum]], 1989. [http://catalogue.enc.sorbonne.fr/cgi-bin/koha/opac-detail.pl?biblionumber=94166&shelfbrowse_itemnumber=125365] [https://books.google.fr/books?id=jQG8-b8IT2AC&pg=PA197&lpg=PA197&dq=simon+jean+michel+monnayage+gentili Nonnullae paginae huius dissertationis breviarii apud Googlebooks]

* I.-P. Wickersham Crawford, 'Inedited Letters of Fulvio Orsini to Antonio Agustín', ''PMLA'' 1913 Vol. 28 (4) : 577-593