Quantum redactiones paginae "Gnaeus Domitius Calvinus" differant

Content deleted Content added
Linea 7:
 
== Ante bellum civile ==
[[Tribunus plebis]] fuit Domitius Calvinus eodem anno quo [[Publius Vatinius]], Marco Biblulo [[Gaius Iulius Caesar|Gaio Caesare]] [[consul]]ibus ([[59 a.C.n.]]). Tum Bibulum consulem adversus Caesarem intercessione adiuvare sua frustra conatus est<ref>[[Cicero]], ''Pro Sestio'' 113. [[Dio Cassius]] XXXVIII,6.</ref> dum Caesar et tribunus Caesari devotus Vatinius adversariorum intercessiones pro nihilo ducunt: nam illo tempore optimatium partium fautor erat Domitius ac ludos [[Apollo|Apollinares]] magnificos anno [[56 a.C.n.|56]] [[praetor]] edidit.
 
Anno [[54 a.C.n.]] in [[consul]]atus petitione tres competitores habuit : Gaium Memmium, Valerium Messalam, [[Marcus Aemilius Scaurus (iunior)|Aemilium Scaurum]]. Pactionem autem fecit cum Gaio Memmio candidato et [[consul]]ibus huius anni Appio Claudio ac [[Lucius Domitius Ahenobarbus (consul 54 a.C.n.)|Lucio Domitio]], qui comitiis consularibus praesidebant : vel falsa testimonia vel pecunias candidati sese daturos pollicebantur, si adulteratis comitiis consularibus ipsi consules anni [[53 a.C.n.|53]] designarentur. Mox vero Gaius Memmius pactionem palam in senatu recitavit atque Domitium Calvinum apud iudices ambitus postulavit. Paulo post quattuor candidati lege de ambitu omnes rei facti sunt. Quod propter flagitium infamia maxima flagraverunt atque ex variis dilationibus et intercessionibus comitia prohibita quominus haberentur usque ad medium annum 53. Tum tandem post longum interregnun mense Iulio Cnaeus Domitius et Marcus Valerius Messala [[consul]]es facti sunt per sex menses. Tum novi consules et ipsi prohibiti sunt quin comitia [[consul]]um qui sibi succederent haberent seditionibus ac rixis sempiternis inter [[Publius Clodius Pulcher|Clodianas]] et [[Titus Annius Milo|Milonianas]] armatas manus coortis. Itaque mense Ianuario [[52 a.C.n.]] ad interregnum reditum est.