Quantum redactiones paginae "Petrus Louÿs" differant

'''Petrus Louÿs''' ([[Francice]] nomine paterno ''Pierre Louis'', sed ipse praeferebat orthographiam ''Louÿs'') natus est [[Gandavum|Gandavi]] [[Belgia]]e die [[10 Decembris]] [[1870]]; mortuus est [[Lutetia]]e die [[6 Iunii]] [[1925]]. Scripsit carmina mythistoriasque in lingua Francogallica. Aliqua scripta Petri Louÿs pertinent ad res Graecas aut Romanas.

 

Amicus erat e gymnasio scriptoris Francici [[Andreas Gide|André Gide]], e iuventute comoedi Hiberni [[Oscar Wilde]]. Primus eius liber late cognitus, ''[[Les chansons de Bilitis]]'' sive "Carmina Bilitidos", series poematum prosaice confecta, ad [[Bilitis|Bilitidem]] cantatricem meretricemque Graecam [[Sappho|Sapphus]] coaevalem adscripta, anno [[1894]] edita est, Petro Louÿs (sicut ipse praefixit) traductore. Nonnulli lectores credebant Bilitidem auctorem fuisse. Post duos annos mythistoriam edidit ubi narrat vitam aliae Graecae: etenim Chrysis, protagonista mythistoriae ''[[Aphrodite (Petrus Louÿs)|Aphrodite]]'', est meretrix sed aevi Ptolemaici urbisque [[Alexandria]]e. Haec opera erotica sunt; alia, ut ''[[Trois filles de leur mère]]'' ("Tres filiae matris") et ''[[Manuel de civilité pour les petites filles|Manuel de civilité]]'' ("Enchiridion urbanitatis"), potius obscaena.