Quantum redactiones paginae "Laomedon" differant

[[Fasciculus:Herakles Laomedon MCA Valle Sabbia.jpg|thumb|right|300px|Hercules Laomedontem necaturus in terra sigillata e Gallia meridionali. Primo saeculo exeunte vel secundo ineunte.]]

 

Narratur Iupiter iratus [[Apollo|Apollinem]] et [[Posidon]]em anno servitutis apud dominum mortalem ob eorum contumaciam damnasse. Qui dominus fuit rex Laomedon et Apollini quidem greges regios curandos tradidit, Posidonem vero iussit novam adhuc urbem [[Troia]]m ingentibus moenibus circumdare. Quo opere peracto, mercedem promissam (sive aurum<ref>Sic Ovidius.</ref> sive pecus eo anno natum<ref>Sic Hyginus.</ref>) deis negavit. Itaque iratus [[Apollo]] pestem immanem in populos [[Phrygia]]e immisit, [[Poseidon]] autem aquas marinas in fertiles agros et monstrum virgines voraturum. Tum de variis pestibus rex oraculum consuluit. Responsum est, nisi filiam suam [[Hesione]]n in litore revinctam monstro marino rex obtulisset, vastationem regni non desituram. Forte tum Argonautae cum [[Hercules|Hercule]] ad litus Troianum appulerunt : cum [[heros]] [[Hercules|Alcides]] misellam puellam regiam ex pavore clamantem audiit, protinus arma cepit et cetum necavit. Filia liberata magna dona Herculi Laomedon pollicitus erat, scilicet par equorum levissimorum ac immortalium, quos ab ipso [[Zeus|Iove]] acceperat, tamquam pretium [[Ganymedes|Ganymedis]] rapti, necnon etiam secundum nonnullos auctores filiam in matrimonium. Sed cum Hercules, [[Argonautae|Argonautis]] relictis, [[Troia]]m rediit, Laomedon per avaritiam pollicita praemia denuo recusavit : quapropter Heracles cum exercitu [[Ilium]] oppugnavit et delevit. Regem ac liberos necavit, praeter Hesionen quam [[Telamon]]i comiti in matrimonium dedit, et [[Priamus|Priamum]] ab Hesione sorore redemptum. Qui Priamus patri in regnum successit.