Quantum redactiones paginae "42 a.C.n." differant

287 octeti additi ,  5 years ago
No edit summary
===Bellum civile Romanum===
*Vere Brutus exercitum e Graecia in Asiam traduxit et Cassium Smyrnae convenit, ubi tyrannicidae hostes in Asia primum debellare decreverunt antequam adversus [[Triumviratus|triumviros]] procederent. [[Rhodus|Rhodios]] et quasdam civitates [[Lycii|Lyciorum]] expugnaverunt et bona diripuerunt. Ceterae [[Asia Minor|Asiae]] quoque quamvis pacatae magna tributa imposuere.
*Simili modo [[Triumviratus|triumviri]] pecuniam a Romanis ceterisque Italianis omni modo exigebant. Aestate exeunte Octavianus Salvidienum Rufum contra [[Sextus Pompeius|Sextum Pompeium]] misit, qui tamen ab hostibus transitu in Sicilam prohibebatur. Superior enim erat classis Pompei.
*[[Marcus Aemilius Lepidus (triumvir)|Lepidum]] Romae custodiae relinquentes [[Octavianus Augustus|Octavianus]] et [[Marcus Antonius]] legiones suas in [[Epirus (regio Graeciae)|Epirum]] traiecerunt atque dum Brutus Cassiusque in Asia bellum gerunt [[Macedonia antiqua|Macedoniam]] occupant atque usque in [[Thracia|Thraciam]] progrediuntur.
* [[3 Octobris]] - Prima pugna apud [[Philippi|Philippos]] [[Marcus Iunius Brutus|Bruti]] legiones [[Octavianus|Octavianum]] aegrum vicerunt et castra a triumviro deserta diripuerunt ; qui etenim ad Marcum Antonium socium refugit. Nam [[Marcus Antonius]] eodem tempore [[Gaius Cassius Longinus|Gai Cassi]] copias vicerat et eorum castra ceperat. Cassius omni spe destitutus mortem sibi ipse conscivit. Eodem die in [[Mare Ionium|mari Ionio]] navarchi Bruti Cassiiique Staius Murcus et [[Gnaeus Domitius Ahenobarbus (consul 32 a.C.n.)|Gnaeus Domitius Ahenobarbus]] classem duas legiones vehentem deleverunt, quas [[Gnaeus Domitius Calvinus|Domitius Calvinus]] triumviris auxilio in Epirum ducebat.