Quantum redactiones paginae "82 a.C.n." differant

606 octeti additi ,  4 years ago
*Quo nuntio eis allato Praenestini oppidum suum Lucretio tradidere : tum Gaius Marius Minor consul sive necatus est sive ipse sibi mortem conscivit. Ex iis qui ex urbe tum exierunt adveniens Sulla Romanis quidem civibus ignovit, Samnites vero et Praenestinos omnes praeter mulieres et infantes trucidari iussit. Per tempus urbs [[Norba (Latium)|Norba]] sola adhuc Sullanis repugnavit donec et ipsa a proditoribus traderetur.
*Anno exeunte Sylla [[Senatus Romanus|senatores]] et [[Ordo equester|equites]] [[Proscriptio|proscripsit]] qui post recusatas condiciones pacis per [[Lucius Cornelius Scipio Asiaticus (consul 83 a.C.n.)|Scipionem]] expositas (83 a.C.n.) arma adversus se ceperant, sive magistratus gesserant, sive tribuni militum vel ductores exercituum fuerant, sive alio modo hostes adiuvarant. Ubicumque a quocumque necari eos fas erat.
===De dictatura et legibus Sullanis===
*Mense decembri ab [[interrex|interrege]] [[Lucius Valerius Flaccus (consul 100 a.C.n.)|Lucio Valerio Flacco]] Sulla [[dictator]] nominatus est : dictatura tum primum ''legibus scribundis reipublicaeque constituendae'' ad tempus non praefinitum instituta est. Consules creari quidem non desierunt sed imperium dictatoris Sullae maius eorum erat. E senatusconsulto tum facto omnia acta Sullae legesque tam consulis quam proconsulis (id est inter 88 et 82 a.C.n.) rata sunt.
*Numerum [[Senatus Romanus|senatorum]] dictator ad 600 duplicavit dum 300 selectos viros ex equestri ordine adlicit. [[Tribunus plebis|Tribunorum plebis]] potestatem minuit vel potius paene omnino sustulit : edixit enim qui tribuni plebis fuissent eis in posterum alium magistratum petere non licere. Eundem magistratum nisi decem annis praetermissis iterum petere non iam licuit, nec consul fieri qui non antea praetor, nec praetor qui non antea quaestor... Atque statim Quintum Ofellam spreta hac lege consulatum petentem dictatorio imperio innixus necari iussit.
 
== Nati ==