|postscripta = ¹ Francia Europaea tantum.<br/> ² CFP Francus in [[colonia|coloniis]] Pacificis adhibetur.
}}
'''Francia,'''<ref>Etiam '''Francogallia''' seu '''Gallia.'''</ref> rite '''Respublica Francica''' (alia nomina: '''Francogallia''' seu '''Gallia.''') rite '''Respublica Francica'''([[Francice]] ''République française''), est [[regio]] in [[Europa Occidentalis|Europa occidentali]] sita. Est et [[civitas sui iuris]] cui adiunguntur nonnullae [[Territoria Franciae transmarina|regiones, praefecturae et territoria transmarina]] in aliis [[continens|continentibus]] et oceanis iacentia. Quibus territoriis exceptis "[[Francia metropolitana]]", in finibus [[Gallia]]e antiquae pro maxima parte sita, a [[Mare Mediterraneum|Mari Mediterrananeo]] ad [[Oceanus Britannicus|Manicam]] et [[Mare Germanicum|Mare Septentrionale]], et a [[Rhenus|Rheno]] ad Oceanum Atlanticum patet, aliquando ''L'Hexagone'' ('[[hexagonum]]') ob [[geometria|geometricam]] terrae formam appellata. Finitur ([[modus horologicus|modo horologii]], a parte septentrio-orientali incipiens) a [[Belgia]], [[Luxemburgum|Luxemburgo]], [[Germania]], [[Helvetia]], [[Italia]], [[Monoecus|Monoeco]]; ad meridiem, ab [[Hispania]] et [[Andorra]]. Ad [[Britannia Maior|Britanniam]] insulam trans Manicam (aut denuo sub eandem per [[Cuniculus Freti Gallici|Cuniculum Freti Gallici]]) itur. Francia, civitatum [[Europa]]earum (sine [[Russia]] et [[Ucraina]]) amplissima, est una e [[Unio Europaea#Civitates sociae|rebus publicis Unionis Europaeae]] conditoribus et omnium maxima quod ad [[area (geometria)|aream]] spectat; cuius fines incolunt ad sexaginta et sex milliens milia [[homo|hominum]]. [[Caput (urbs)|Caput]] et princeps [[urbs|urbium]] Francogallicarum est [[Lutetia]].
Francia [[Historia Franciae|nonnulla saecula]] est [[potestas maior]], grave habens pondus [[cultura]]le, [[oeconomia|oeconomicum]], [[militia|militare]], [[civilitas|politicum]] tam in [[Europa]] quam in [[tellus|orbe terrarum]]. Saeculis [[saeculum 17|septimo decimo]] et [[saeculum 18|duodevicensimo]], Francia [[colonia]]s in magnis [[America Septentrionalis|Americae Septentrionalis]] regionibus deducebat; saeculis quidem [[saeculum 19|undevicensimo]] et [[saeculum 20|vicensimo]] ineunte, [[Imperium Francicum|imperium]] magnitudine illorum temporum alterum constituit ([[Imperium Britannicum|Britannico]] enim maximo), magnis [[Africa Septentrionalis|Africae Septentrionalis]], [[Africa Occidentalis|Occidentalis]], [[Media Africa|Mediaeque]] et [[Asia Meridio-Orientalis|Asiae Meridio-Orientalis]] partibus, et multis [[Insulae Pacificae|insulis Pacificis]] comprehensis.
