Quantum redactiones paginae "Demosthenes" differant

Philippo interfecto, successit filius [[Alexander Magnus]], cui Magni cognonem datum est propter rerum gestarum gloriam. Alexander maxima celeritate in [[Graecia]]m properat, Thebas funditus evertit, excepta una [[Pindar]]i poetae domo, Atheniensibus veniam concedit, et Graeciam [[Antipater (Macedonum rex)|Antipatro]] uni ex amicis regendam committit. Sed postquam, [[Asia]] subacta, terrarum orbem victoriis et fama sui nominis implevit, obiit Alexander ille Magnus. Audita Alexandri morte, bellum redintegrant, concitante Demosthene, Graeciae civitates adversus [[Antipater (Macedonum rex)|Antipatrum]] coniuratae. Antipater autem ex urbe Lamia, in qua obsidebatur, erupit incolumis, et Macedoniam petiit; tum Graecorum copiae dilapsae sunt. Demosthenes, ratus Athenis nullum sibi iam tutum fore domicilium, confugit in insulam [[Calauria]]m, ubi adventu satellitum Antipatri perturbatus, in templo [[Neptunus|Neptuni]] asylum quaesivit. Militibus delubrum ingressis, nobilis exsul venenum hausit in stylo inclusum, et, capite obvelato, ante Dei simulacrum cecidit. Hic fuit exitus summi oratoris, et viri patriae amantissimi: una cum Demosthene periit ipsa Graeciae libertas. Haud multo post Phocio, multitudinis odio damnatus capite, annum octogesimum agens, ad mortem ductus fuit. Iamiam moriturus, ad filium qui aderat conversus : "Ego", inquit, "tibi fili, praecipio ne quid Atheniensibus male velis ob huius rei memoriam."

 

* [[Index operum Demosthenis]]