Quantum redactiones paginae "Aiax minor" differant

 

'''Aiax minor''', vel '''Aiax Locrius''', vel '''Aiax Oileus''' erat filius [[Oileus|Oilei]] et [[Eriopis|Eriopidis]]. Quamquam Aiax Oileus ante bellum Troianum Helenam, filiam [[Iuppiter|Iovis]] Ledaequae in matrimonium ducere voluit, illa [[Menelaus|Menelao]] fratri [[Agamemnon]]is nupsit. Quo nullus e Achivis nisi Achilles velocior erat. Bello Troiano exercitui quadraginta navibus praeerat. In proeliis crudelitate maxima excellere solebat, qui adversariis pietatem redderet nullam. Propter crudelitatem [[Minerva]], dea et belli et sapientiae, Aiacem Oileum castigare voluit: inter ludum funebrem [[Patroclus|Patrocli]] in limum illapsus est. Sed Aiax se et impie in deos gessit: Troia capta [[Cassandra|Cassandram]] sacerdotem apud aram Minervae violavit et rapuit. Quae tunc e Minerva dea auxilium petivit. [[Neptunus (deus)|Neptunus]] precibus Minervae commotus ipse navi Aiacis, qua patriam petere studebat, procellam tanta vi inflixit, ut impius ille e navi in scopulum iniceretur et necaretur. Cuius casum et mortem [[Homerus]] in libro quarto ''[[Odyssea]]e'' nobis narrat.

 

[[Categoria:Heroes Belli Troiani]]