Quantum redactiones paginae "Antonius Piso" differant

Content deleted Content added
b
No edit summary
Linea 1:
'''Antonius Piso''' ([[Gallice]] ''Antoine Le pois''), natus [[Nanceium|Nancei]] 1525 -mortuus ibidem 1578, fuit primus [[medicus]] [[Carolus III (dux Lotharingiae)|Caroli III]], [[Lotharingia|Lotharingiae]]<ref>Illo tempore Lotharingia nondum pars Franciae erat.</ref> ducis, et [[nummus|numismatista]].
 
Filius apothecarii Ludovici, Antonius medicinae Parisiis cum fratre studuit ubi discipulus [[Iacobus Sylvius|Iacobi Sylvii]] fuit. Postea Nanceium rediit ubi numismata et gemmas incisas antiquas colligere coepit. De ea re in honorem patroni sui, qui eodem studio delectabatur, librum Francogallice composuit, ''Discours sur les médalles et graveures antiques, principalement romaines'' inscriptum<ref>''Discours sur les médalles et graveures antiques, principalement romaines : Plus une exposition particuliere de quelques planches ou tables''. A Paris, Par Mamert Patisson Imprimeur du Roy, au logis de Robert Estienne M.D.LXXIX </ref>, quem frater minor Nicolaus (et ipse medicus) paucis mensibus post auctoris mortem Parisiis publicavit.
 
Hic liber est prima dissertatio Francogallica quae non tam testimoniis auctorum antiquorum quam ipsis numismatibus in cimeliarcho auctoris collectis innititur. Ante Pisonem [[Aeneas Vicus]] (''Discorsi sopra le medaglie de gli antichi'', 1555) et [[Sebastianus Erizzo]] (''Discorso sopra le medaglie degli antichi'', 1559) dissertationes eiusdem generis, siquidem gemmas exceperis, [[Italiane]] ediderant. In praefatione Piso confitetur sibi facilius fuisse de tali argumento Latine scribere, quoniam ipsa verba e fontibus repetisset, aliter tamen fecisse quia non tantum a doctis sed ab omnibus antiquitatum amatoribus intelligi voluerat. Ut Sebastianus Erizzo Piso secundam partem addidit, qua commentariis suis nummos et gemmas e sua collectione selectas illustrat, quae quidem aliquid ad antiquitatem cognoscendam conferant.