Quantum redactiones paginae "Franciscus Rabelaesus" differant

'''Franciscus Rabelaesus'''<ref>Ita ipse [[Latine]] scripsit</ref> seu vulgo ''François Rabelais'' (natus circa annum [[1494]]; [[Lutetia]]e mortuus, ut traditur, die [[9 Aprilis]] [[1553]]) fuit [[medicus]] et auctor historiarum [[satura|satyricarum]] [[Francogallice]] scriptarum.

Franciscus Rabelaesus natus est aut [[Chinonium|Chinonii]] in urbe aut in rure circumiacenti, et fortasse, ut fertur, ad villam ''La Devinière'' iuxta [[Sulleium]] [[Tabula administrativa Franciae|praefecturae]] hodiernae [[Andra et Liger|Andrae et Ligeris]]; hanc enim villam possedit pater Antonius Rabelais causidicus. Franciscus in variis [[monasterium|monasteriis]] educatus est et imprimis ad [[Fontanetum Comitis]] ubi [[lingua Graeca antiqua|linguae Graecae]] studuit, sed, hoc studio haeretico illis temporibus censo, mox expulsus est et [[Malleacum]] [[Locociacum]]que provinciae [[Pictavium|Pictaviensis]] petivit. Ibi iuxta [[Gotofredus ab Estissaco|Gotofredum ab Estissaco]] episcopum amanuensis vel a secretis meruit atque studia sua consecutus est. Eruditus est fortasse in universitatibus [[Pictaviumuniversitas Pictaviensis|Pictaviensi]] sive et [[Lutetiauniversitas Parisiensis|Parisiensi]] sive et aliis, sed haec res incerta manet. Discipulus in medicina certe inscriptus est [[Universitas Montispessulani|universitatis Montispessulani]] anno [[1530]].

Ab anno [[1532]] [[Lugdunum|Lugduni]] habitans, munus medici exercens, libros satis multos confecit, inter quos ''[[Aphorismi (Hippocrates)|Aphorismos]]'' [[Hippocrates|Hippocrati]] adscripta. Versionem Latinam [[Nicolaus Leonicenus|Nicolai Leoniceni]], additamentis paucis suis, apud [[Sebastainus Gryphius|Gryphium]] imprimere iussit (nomine suo praeposito: "ex Franc. Rabelaesi recognitione"), atque eodem tempore [[textus (ratio litteraria)|textum]] Graecum e libro [[manuscriptum|manuscripto]] edidit. Ipse enim hoc opusculum [[res classicae|classicum]] Latine ex editione Leoniceni et Graece e manuscripto suo apud universitatem Monspeliensem anno praecedenti praelegerat. Editionem Latinam patrono Gotofredo ab Estissaco Malleacensi dicavit. Eodem anno tomum secundum ''[[Epistolae medicinales (Manardus)|Epistolarum medicinalium]]'' [[Ioannes Manardus|Ioannis Manardi]], "nunquam antea in Gallia excusu[m]", apud eodem editore divulgare curavit et [[Andreas Tiraquellus|Andrea Tiraquello]] iudice [[Pictavium|Pictaviensi]] dicavit.<ref>"Tomum primum" fuisse supponitur: Ioannes Manardus, ''Epistolae medicinales'' (Lutetiae, 1528) [http://www.biusante.parisdescartes.fr/histmed/medica/cote?90958x235x05 Textus apud BiuSanté]</ref>