Cum [[Cingischam]] [[Imperium Mongolicum]] inter filios suos ad annum [[1224]] divisit, eorum senior, Dschudschius nomine, terras in parte occidentali imperii ellius recepit. Postquam Bati (Batu)[[Batus]], filius Dschudschii secundus, annis [[1236]]–[[1242]] invasionem in [[Europa]]m orientalem mediamque perfecit ([[Ruthenia]]m inter alia occupans), possessiones territoriales chanatus huius, Ordae Aurae, graviter amplificatae sunt. Cum cor Ordae fuit in terris ad fluxum inferiorem fluminis [[Rha]] (ubi Sarai, metropolis chanatus, locabatur), potestas chanorum eius ad fluxum inferiorem [[Danubius|Danubii]] et [[Sinus Finnicus|Sinum Finnicum]] in occidente, ad [[Irtis|Irtim]] et partem inferiorem [[Obius|Obii]] in oriente, ad [[Pontus Euxinus|Pontum Euxinum]], [[Mare Caspium]] atque [[Lacus Oxianus|Lacum Oxianum]] in meridie, et ad terras [[Novogardia Magna|Novogardiae Magnae]] in septentrione expandebatur. (Ducatus [[Rutheni]]ci, quum in Ordam Auream non includebatur, subreguli eius fuere et tributum pendere debuerunt.)
Initio Orda Aurea ut pars Imperii Mongolici aestimabatur, sed post annum [[1266]] de facto chanatus sui iuris facta est. Ad annum [[1312]] [[religio Islamica|religionem Islamicam]] ut officialem accepit.
