[[Fasciculus:Siege of Bangkok 1688.jpg|thumb|Situs castelli [[Francia|Francorum]] ''Bancoq'' (in parte superiori imaginis) oppidique indigenarum ''[[Thonburi]]'' (infra) anno 1688 depictus.]]
Iuxta castello in ripa dextra eiusdem fluminis vicus sedebat indigenarum, nomine [[Thonburi]]. Urbe magna [[AiuthiaUdia]] a [[Birmania|Birmanis]] anno [[1767]] deleta, regno destructo, dux bellorum [[Taksin (rex Siamensis)|Taksin]] inimicos expulsit regnumque novum proclamavit et in vico Thonburi praesidium posuit. Eo autem post quindecim annos a ducibus [[Surasih (princeps Siamensis)|Surasih]] et [[Rama I (Rex Siamensis)|Chakri]] deiecto et interfecto, ipse Chakri regnum accepit novumque caput in ripa sinistra fluminis constituit ubi Franci olim sederant. Originem enim in eodem anno [[1782]] habent et familia regalis [[Chakri (familia)|Chakri]] et urbs regia Bancocum, die [[21 Aprilis]] [[1782]] rite constituta. A [[Saeculum 19|saeculo XIX]] medio peregrini multi ad negotia perficienda ibi habitaverunt. Viae et ferroviae iussu praecipue regum [[Mongkut (rex Siamensis)|Mongkut]] et [[Chulalongkorn (rex Siamensis)|Chulalongkorn]] constructae sunt; [[Pons Memorialis]] quo Bancocum et Thonburi trans flumen Mae Nam iunguntur aedificatus est anno [[1932]], urbis necnon familiae regalis centesimo et quinquagesimo, et ad honorem regis Chakri dicatus.
