Quantum redactiones paginae "Spurius Cassius Vecellinus" differant

Content deleted Content added
Linea 5:
Cassius anno [[502]] primo consul creatus est. Una cum collega [[Opiter Verginius Tricostus|Opitre Verginio Tricosto]] bellum cum [[Aurunci]]s<ref name="livius">[[Titus Livius|Livius]], ''[[Ab urbe condita]]'' 2.17.</ref> vel [[Latini]]s<ref name="dionysius">[[Dionysius Halicarnassensis]], ''Historia Romana'' 5.49.</ref> gerens oppidum [[Pometia]]m<ref name="livius"/> vel [[Cameria]]m<ref name="dionysius"/> cepit et [[Triumphus|triumphum]] egit. Anno [[493 a.C.n.]], cum consul II esset, templum [[Ceres|Cereri]] dedicavit atque ''[[Foedus Cassianum]]'' pacis et amicitiae cum [[Latini]]s icit.
 
Anno [[486]] consul III de [[Hernici]]s triumphavit, foedus Cassianum ad eos extendit. Sed historici antiqui in tertio consulatu eum tamquam longinquum [[Gracchus|Gracchorum]] antecessorem depingunt : iam enim agrum publicum a nonnullis [[Patricii (ordo)|patriciis]] sine iure occupatum et frumentum a [[Tyrannis|tyranno]] Siciliae donatum non tantum [[Plebs|plebi Romanae]] viritim et gratuito dividere sibi proposuerat sed etiam [[Latini|Latinis]] et [[Hernici|Hernicis]] sociis. Quocirca anno proximo, simul atque magistratum deposuit, perduellionis accusatus morte damnatus est. Duas diversas traditiones de eius exitu nobis reliquere historici : sive a quaestoribus [[Kaeso Fabius K.f. Vibulanus|Kaeso Fabio K.f. Vibulano]] et [[Lucius Valerius M.f. Potitus|Lucio Valerio M.f. Potito]] regni affectationis coram populo accusatus [[comitia tributa|comitiis tributis]] damnatus et [[Capitolium|saxo Tarpeio]] praecipitatus est<ref>[[Dionysius Halicarnassensis|Dion. Hal]]. ''Ant. Rom.'' VIII,67. [[Titus Livius]] II,41. [[Valerius Maximus]] VI,3,1.</ref>, sive, quod minus veri simile eis videbatur, ab ipso patre in senatu delatus et, causa eius a senatoribus cognita, domi iure patrisfamilias necatus est<ref>[[Dionysius Halicarnassensis|Dion. Hal]]. ''Ant. Rom.'' VIII,68. [[Titus Livius]] II,41. Mediam inter illas traditio apud [[Cicero|Ciceronem]] legitur (''De Rep.'' II,60) ubi quaestor accusator est et pater contra filium fert testimonium.</ref>.
 
Documentum de ea re fuisse in templo [[Ceres|Cereris]] dicebatur signum inscriptionem praebens : "''Ex Cassia familia datum''", tamquam illud signum e bonis Spurii Cassii deae sacratis factum esset. Memoriae damnatione quoque dignus vir visus est : domus eius solo adaequata tradebatur eo ipso loco quo vivente Tito Livio templum deae [[Tellus (dea)|Telluris]] stabat. Omnes narrationes tamen de Spurio Cassio, ut quae ad aetatem obscuram pertineant, dubiae fidei sunt : forsitan ex ipsa inscriptione et signo pars fabulae orta sit. Praeterea temporibus bene notis reipublicae Romanae [[gens Cassia]] sine dubio plebeia est, quod alioqui bene congruit cum templi Cereris dedicatione. Certe nonnulli historici moderni coniecere senatum Cassios ad plebem transferre ob illud ipsum scelus Spurii Cassi potuisse sed aeque verisimile est gentem plebeiam et potentem [[Respublica Romana|reipublicae liberae]] exeuntis maiores patricios ficta fabula sibi quaerere voluisse.