Quantum redactiones paginae "Gaius Marcius Coriolanus" differant

Multa obscura et incerta in Coriolano inveniuntur. Primo ne praenomen quidem certum traditum est : a [[Titus Livius|Tito Livio]] et auctoribus qui excerpta e Tito Livio fecerunt ([[Valerius Maximus]] et scriptor anonymus [[De viris illustribus urbis Romae (opus anonymum)|de Viris illustribus]]) Gnaeus nominatur, a [[Dionysius Halicarnassensis|Dionysio Halicarnassensi]] et [[Plutarchus|Plutarcho]] Gaius. Deinde quamquam ubique vir patricius esse dicitur, constat, si quidem regem [[Ancus Marcius|Ancum Marcium]] exceperis, [[Gens Marcia|gentem Marciam]] plebeiam fuisse, ut quae tribunos plebis et primum [[Dictator|dictatorem]] plebeium reipublicae Romanae praestiterit, nec ullus [[consul]] e gente Marcia in [[Fasti consulum rei publicae|fastis]] quinti saeculi a.C.n. reperitur. Postremo plurimi eruditi moderni dubitant an re vera cognomen Coriolanum ab expugnatione oppidi [[Latini]] Coriolorum ducere potuerit, ut omnes auctoreauctores antiqui voluerunt, quia mos talium cognominum e victoriis ductorum quinto saeculo a.C.n. adhuc ignotus erat. Verisimilius putant eum sic appellatum esse quod Coriolis ortus Romam venerat, simili modo quo paucis ante annis [[Appius Claudius M.f. Sabinus Inregillensis|Attius Clausus]] ''Sabinus Inregillensis'' cognomen accepit cum ex agro Sabino et oppido Inregillensi cum gente et [[Cliens (civitas)|clientibus]] Romam transmigravit. Si ita fuit, facilius intelligas cur Coriolanus, vir Latinus civitate Romana nuper donatus, numquam consulatum gesserit.