Quantum redactiones paginae "Rex sacrorum" differant

==De origine==
[[Reges Romani]] non tantum iudices et imperatores erant sed etiam sacri sacerdotes. Postquam Roma expulsi sunt, ius iudicandi et imperandi ad [[Consul|consules]], sacra vero et caerimoniae, quibus regem praesidere oportebat, ad novum sacerdotem transierunt qui ''rex sacrorum'' dictus est. Nomen enim rex servatum est, sive sanctitatis causa, ut historici antiqui voluerunt, sive potius religioso scrupulo ne dei deminuto titulo offenderentur. Nonne summus sacerdos [[Diana|Dianae]] [[Aricia|Aricinae]] similiter ''rex Nemorensis'' appellabatur ? Idem [[Athenae|Athenis]] evenerat ubi unus ex [[Archon|archontibus]] ''archon rex'' dicebatur et anni sui eponymus erat.
Ne tamen verus rex sibi videatur esse rex sacrorum sacerdotio suo per omnem vitam vacare debebat nec ei [[Magistratus|magistratum]] civilem vel militarem gerere licebat<ref>[[Dionysius Halicarnassensis|Dion. Hal]]. V,1. [[Titus Livius]] XL,42,8.</ref>. E [[Patricii (ordo)|patricio ordine]] a [[Pontifex|pontificibus]] eligebatur et in [[comitia calata|comitiis calatis]] inaugurabatur<ref>[[Aulus Gellius]] XV,27,1. Titus Livius XL,42,8.</ref>. Confarreatis parentibus natum et ipsum uxorem [[confarreatio|confarreatione]] duxisse necesse erat<ref>[[Gaius (iuris consultus)|Gaius]], ''Institutes'' I,112.</ref>. Aliis quoque religionibus et interdictis tenebatur : exempli gratia diebus festis nefas ei erat hominem operi deditum videre<ref>[[Macrobius]], ''Sat.'' I,16,9.</ref>. Ipso facto in collegium pontificum cooptatabatur. Quae omnia ei communia cum [[Flamen|flaminibus maioribus]] erant. Ut flamines maiores enim rex sacrorum e civitate hominum egressus cultui deorum velut consecratus erat. Illa interdicta tempore [[Principatus Romanus|principatus]] tandem paulatim relaxata sunt. Ipso facto in collegium pontificum cooptatabatur. Quae omnia ei communia cum [[Flamen|flaminibus maioribus]] erant. Quamquam sub dicione summi pontificis positus erat, tamen in nonnullis caerimoniis adhuc apparebat principem locum in sacerdotibus olim obtinuisse regem sacrorum<ref>[[Aulus Gellius]] X,15,21. [[Varro Reatinus|Varro]] ''LL'' VI,3,12.</ref>.
 
[[Dionysius Halicarnassensis]] nobis nomen primi regis sacrorum tradidit, Manium Papirium<ref>''Ant. Rom.'' V,1.</ref>, [[Lucius Iunius Brutus|L. Iunio Bruto]] [[Lucius Tarquinius Collatinus|L. Tarquinio Collatino]] [[Consul|consulibus]] creatum. Secundo saeculo a.C.n. ineunte nomina Cn. Cornelii Dolabellae et P. Cloelii Siculi accepimus<ref>[[Titus Livius]] XL,42.</ref>, Ciceronis tempore Lucii Claudii<ref>[[Cicero|Cic]]., ''Har. Resp''. 12.</ref>.