Quantum redactiones paginae "Sextus Tarquinius" differant

'''Sextus Tarquinius''' fuit unus e filiis [[Lucius Tarquinius Superbus|L. Tarquinii Superbi]], ultimi regis [[Roma antiqua|Romani]]. Infamis factus est postquam vim intulit [[Lucretia|Lucretiae]], uxori [[Lucius Tarquinius Collatinus|Collatini]], quae femina summae virtutis erat. Quod nefandum scelus causa fuisse dicitur cur indignans populus [[Regnum Romanum|regnum Romae]] abrogarit. Postquam autem [[Lucius Iunius Brutus|Lucius Brutus]] [[Tarquinii|Tarquinios]] Roma expulit ([[509 a.C.n.]]) Sextus [[Gabii|Gabios]] sese recepit ubi ab inimicis occisus est<ref>[[Titus Livius]] I,60.</ref>.
==Quomodo Sextus Gabios patri tradiderit==
Rex [[Tarquinius Superbus]] tres filios genuisse tradebatur : maximusne natu an minimus natu fuerit Sextus difficile dictu quia auctores antiqui de ea re dissentiunt<ref>Minimus natu : [[Titus Livius]] I,53(5). [[Ovidius]] ''[[Fasti (Ovidius)|Fasti]]'' II,691. Maximus natu :[[Dionysius Halicarnassensis|Dion. Hal.]] IV,64,2. Maior natu (duorum ?) : [[Cicero]], De rep. II,46.</ref>. Cum Romani septimum iam annum bello adversus [[Gabii|Gabinos]] detinerentur nec ullo modo vincere possent, Sextus strategema ignominiosum cum patre concinnavit. Nam fictis simultate et discordia, quo maiorem fidem hostibus faceret, TaquiniusTarquinius Superbus filium medio foro virgis caedi iussit. Quo facto velut transfuga odio et metu patris motus Sextus cum paucis comitibus Gabios confugit ubi benigne acceptus est. Tum beneficiis suis (parvis victoriis et multa praeda quam pater sine firma custodia e composito filio diripiendam reliquebat) paulatim tantam fiduciam apud Gabinos sibi paravit ut dux totius exercitus legeretur ; peritiam enim suam cum rerum bellicarum tum praesentium hostium iactitabat atque ad bellum adversus Romanos velut privato odio impulsus semper hortabatur. Deinde Sextus patri Romam nuntium clam misit, quid nunc faciendum quaesitum. Tarquinius Superbus verbum quidem nullum respondit sed in horto prope regiam coram nuntio capita supereminentium papaverum baculo decussit. Quo renuntiato filius intellexit praecipere sibi patrem ut primores civitates tolleret. Clarissimos igitur viros illius civitatis varie accusatos morte vel exsilio damnavit. Deinde urbem optimis defensoribus orbam patri sine pugna tradere potuit. E quo tempore velut rex Gabinorum fuit, ut pater rex Romanorum erat.
 
==De flagitio et morte==
[[Fasciculus:Lucretia's rape by Sextus Tarquinius, and her suicide.jpg|thumbnail|Sextus Lucretiae pudicitiam nocturna vi expugnans (supra) et Lucretia sese necans coram marito et propinquis (infra). Imago picta e manuscripto sedecimi saeculi.]]