Quantum redactiones paginae "Alma Mater Rudolphina Vindobonensis" differant
Content deleted Content added
Linea 27:
[[Magnum schisma occidentale|Magno schismate occidentali]] (1378–1417) demum studia Viennensia efflorescebant, quod multi studentes ac professores, qui [[Lutetia|Parisios]] litis causa reliquerant et locum studiorum quaerebant, Vindobonae sedes collocaverunt. Praeterea die [[21 Februarii]] [[1384]] [[Urbanus VI]] papa facultatem theologiae concessit, eodem tempore ''Collegium ducale'' [[Sorbona]]e simile conditum est, quod abhinc quasi universitatis fundamentum factum est.<ref>Vide [http://medienportal.univie.ac.at/uniview/studium-lehre/detailansicht/artikel/die-gruendung-der-universitaet-wien-als-begegnung-von-hof-stadt-und-kirche/ Christianus Lackner: Die Gründung der Universität Wien als Begegnung von Hof, Stadt und Kirche] (commentatio de Alma Matre Rudolphina condenda, Theodisce)</ref> Anno [[1385]] statuta universitatis promulgata sunt, quorum normae per saecula sequentia vigebant. Numerus immatriculatorum celeriter crescebat: Recens [[matricula]]rum pervestigatio demonstrat annis 1385–1505 Vindobonae 40 683 immatriculatos fuisse, id est fere 20% omnium immatriculatorum universitatum [[Sacrum Romanum Imperium|Sacri Romani Imperii]] universitate Pragensi excepta, cuius matriculae universae non iam exstant.<ref>R. C. Schwinges: Universitätsbesuch im Reich vom 14. bis zum 16. Jahrhundert. In: Geschichte und Gesellschaft 10 (1984), p. 5–30</ref>
Praeter [[grammatica]]m imprimis [[logica]] docebatur, cum [[rhetorica]] magis neglecta sit. In regione [[astronomia|astronomica]] inter alios tres viri excellunt: {{Creanda|de| Johannes von Gmunden|Ioannes de Gamundia}} (mortuus [[1442]]), [[Georgius Peurbachius]] (mortuus [[1461]]) et [[Iohannes Regiomontanus]] (mortuus [[1476]]). Magnitudine secunda erat facultas [[ius|iuridica]], minima [[medicina]] plurimis studentibus pauperibus nimis sumptuosa. Facultatis theologiae erat "rectam fidem" in terris Austriacis servare. Etiam [[concilium|conciliis]] et [[synodus|synodis]] magistri universitatis Viennensis crebres interfuerunt. Scriptores maximi momenti erant {{Creanda|de|Heinrich von Langenstein|Henricus de Hassia}}, qui studia Vindobonensia, postquam Sorbonam [[Urbanus VI|Urbani VI]] assectator relinquere debuit, ab anno [[1384]] restituit;
=== Humanismus, Reformatio, Contrareformatio ===
|