Quantum redactiones paginae "Gaius Flaminius" differant

Flaminius anno [[232 a.C.n.]] [[tribunus plebis]] legem tulit, qua [[Ager Gallicus]] inter agricolas dividebatur. Haec lex [[Quintus Fabius Maximus|Quinto Fabio Maximo Verrucoso]] acriter resistente a populo rata est et, si quibusdam scriptoribus credimus, tumultus Gallici causa anno [[225 a.C.n.|225]] fuit<ref>[[Polybius]], II 21</ref>. Anno [[227 a.C.n.|227]] [[praetor]] [[Sicilia (provincia Romana)|Siciliam]] primus administrator Romanus rexit<ref>[[Titus Livius]], ''Ab urbe condita'', XXXIII 42,8</ref>. Primus e gente sua consulatum adeptus est: Anno [[223 a.C.n.|223]] cum collega [[Publius Furius Sp.f. Philus|Publio Furio Sp.f. Philo]] [[Insubria|Insubros]] Gallos vicit<ref>Polybius, II 32 seq</ref>. Senatus propter omina mala ei Romam revocare conatus est et ei quamquam pugna felici triumphum negavit. Sed populo iuvante tandem triumphavit<ref>Titus Livius, XXI 63,2</ref>. Anno [[221 a.C.n.|221]] [[magister equitum]] dictatoris Quinti Fabii Maximi fuit. Anno [[220 a.C.n.|220]] una cum [[Lucius Aemilius Q.f. Papus|Lucio Aemilio Q.f. Papo]] [[censor]] erat. Censores liberti in quattuor tantum tribus tribui decreverunt<ref>Titus Livius, ''Periochae'' XX</ref>. Anno [[217 a.C.n.|217]] inter [[Secundum Bellum Punicum]] iterum consul creatus est - nunc cum [[Gaius Servilius P.f. Geminus|Gaio Servilio P.f. Gemino]], sed non [[Roma]]e, sed [[Ariminum|Arimini]] consulatum adiit. Itaque laesae religionis accusatus est<ref>Titus Livius, ''Ab urbe condita'' XXI 63; XXII 1,5 seqq</ref>. Die [[21 Iunii]] 217 in [[Proelium apud Trasimenum Lacum|insidias]] [[Hannibal]]is cecidit, cum omni paene exercitu necatus est neque eius corpus repertus est<ref>Polybius, III 80-85; Titus Livius, XXII 4-7</ref>. ''Dies Ater'' dehinc nominabatur dies pugnae<ref>[[Ovidius]], ''Fasti'' VI 765-768</ref>. In eius locum [[Marcus Atilius M.f. Regulus (consul 227 a.C.n.)|Marcus Atilius M.f. Regulus]] suffectus est.Gaius Flaminius▼