Quantum redactiones paginae "Gulielmus Marx" differant

''' Gulielmus Marx''' ([[Colonia Agrippina|Coloniae Agrippinae]] natus die [[15 Ianuarii]] [[1863]] - [[Bonna]]e obiit die [[5 Augusti]] [[1946]]) fuit iuris consultus, [[vir publicus]] factionis [[Centrum (factio)|Centri]], ter praeses ministrorum [[Borussia]]e et bis cancellarius Germaniae.

Marx iam iuvenis sodalis Centri factus est et [[1899]] - [[1918]] legatus domus legatorum [[Borussia]]e erat. Ab anno [[1910]] etiam legatus [[Dieta Imperii Germanici|Dietae Imperii]] fuit. Ibi contra terras [[Bellum Orbis Terrarum I|Bello Orbis Terrarum I]] Germaniae adiungendas certavit. Anno [[1919]] etiam legatus [[Consilium Formae Civitatis Constituendae (Germania 1919)|Consilii Formae Civitatis Constituendae]] et concilio Borussiae constituendae fuit. Successor [[Gustavus Stresemann|Gustavi Stresemann]] a [[Fridericus Ebert|Friderico Ebert]] praeside rei publicae [[cancellarius]] nominatus est et a die [[30 Novembris]] [[1923]] usque ad diem [[15 Ianuarii]] [[1925]] officio fungebatur. Dum officio anno 1924 Germaniam socium [[Confoederatio Nationum|Confoderationis Nationum]] missit. Successor eius cancellarius [[Ioannes Luther]] fuit. [[10 Februarii]] - [[18 Martii]] [[1925]] praeses ministrorum Borussiae fuit et post mortem [[Fridericus Ebert|Friderici Ebert]] candidatus electionis Praesidis [[Res Publica Wimarii|Rei Publicae Wimarii]] contra [[Paulus de Hindenburg|Paulum de Hindenburg]] fuit, sed die [[26 Aprilis]] [[1925]] petitionem amisit (45.3 % contra 48.3 %). [[20 Ianuarii]] - [[12 Maii]] [[1926]] [[Administer Imperii Iustitiae (Germania)|Administer Iustitiae]] fuit, tum a die [[17 Maii]] [[1926]] usque ad diem [[12 Iunii]] [[1928]] iterum cancellarius imperii Iohanni Luther successit. Hoc munere fungens et [[Ioannes de Seeckt|Ioannem de Seeckt]] ducem exercitus Germanici dimisit. Praeterea anno 1926/[[1927]] [[Administer Imperii Regionum Occupatarum]] erat. Fuit legatus [[Dieta Imperii Germanici|Dietae Imperii]] ad annum [[1932]].