Quantum redactiones paginae "Rabindranath Tagore" differant

Content deleted Content added
pag. ex vicip. fr. auxi
→‎Vita: continuatio (ex Vic. theod.)
Linea 7:
 
== Vita ==
=== Familia, adulescentia ===
[[Fasciculus:Rabindranath-Tagore-Mrinalini-Devi-1883.jpg|thumb|Rabindranath et uxor eius Mrinalini Devi circa annum [[1883]].]]
 
Thakur ("Rabi" appellatus) erat minimus tredecim filiorumliberorum superstitum ex Debendranath Tagore et Sarada Devde natorum. Lucem aspexit in palatio familiali ''Jorasanko'' [[Calcutta]]e. Filius hominis, qui motum religiosum [[Brahmo Samaj]] condidit, et nepos [[Dvarkanath Tagore]], Thakur in familia educatus est, quae artibus favit, enixe operam dedit, ut res sociales religiosaeque emendarentur, ordinem societatis per "[[casta]]s", quae dicuntur, digestum abnuit, positionem feminae [[India|Indicae]] meliorem reddere studuit.
 
Postquam Thakuri undecim annos nato [[linea brahmanica]] imposita est, una cum patre Calcuttam die [[14 Februarii]] [[1873]] reliquit. Plures menses per [[India]]m iter fecerunt et dominia paterna [[Santiniketan]] et [[Amritsar]] visitaverunt, antequam [[Dalhousie]] in radicibus [[Himalaia]]e sitam attigerunt. Ibi Thakur biographias legit, [[historia]]e, [[astronomiae]], [[scientia|scientiis]] hodiernis et [[Lingua Sanscritica|linguae Sanscriticae]] studuit, praeterea se carminibus classicis [[Kalidasa]] imbuit. Anno [[1877]] innotuit, cum plura opera composuisset, inter quae carmen longum stilo ''Maithili'' confecto.
 
Advocatus futurus, ut putabatur, Thakur anno [[1878]] in instituto privato urbis [[Bristelmestuna]]e in [[Anglia]] sito sedem collocavit. [[Ius]] in [[Collegium Universitarium Londiniense|Collegio Universitario Londiniensi]] didicit. Tamen anno [[1880]] in [[Bengalia]]m revertit, antequam diploma obtinuit. Die [[9 Decembris]] [[1883]] Mrinalini Devi (natam Bhabatarini, 1873–1902) in matrimonium duxit, quae ei quinque filios filiasque peperit, quorum duo antequam adoleverant mortui sunt.

=== Vita in Shilaidaha acta ===
Ab anno [[1890]] Thakur dominium familiale ''Shilaidaha'' (in hodierna [[Bangladesha]]) administravit. Uxor cum filiis ibi anno [[1898]] advenit.
Thakur partes suas in societate egit; anno [[1894]] propraeses Accademiae litterarum Bengaliae factus est. "Zamindar Babu" vocatus multum temporis in nave habitabili in flumine ''Padma'' (id est [[Ganges]]) degebat, vectigalia exegit, rusticis consuluit, qui grati in honorem eius dies festos egerunt. Radices suos in vita rustica naturae vicina invenit. Tamen difficiles paganorum conditiones vitae cognoscens enixe operam dedit, ut [[argentaria]]e, societates, scholae, [[nosocomium|nosocomia]] et viae pararentur. Sub aspectu litterarum hi anni (a [[1891]] ad [[1895]]) inter fecundissimos vitae suae numerantur. Tum plus quam dimidiam 84 narrationum partem operis ''Galpaguchchha'' intitulati conscripsit, quibus ironia ac animi commotione varios vitae modos imprimis paganorum descripsit. Praeterea multa carmina composuit, quibus sicut in [[prosa]] novis verbis ac formis mores antiquos superavit.
 
=== Emendationes in formatione iuvenum, motus nationalis: Shantiniketan ===
Quod systema scholare aegre tulerat, quinque liberos suos et a magistris privatis doceri fecit et ipse eos docuit. Duas filias maiores, quamquam se publice contra matrimonium liberorum, qui nondum adulta aetate erant, opposuit, iam duodecim sive quattuordecim annos natas in matrimonium dedit, in quo postea a multis acriter reprehensus est.
 
Familia anno [[1901]] in patrimonium ''Shantiniketan'' a Calcutta 150 chiliometra in boreo-occidentem versus situm demigravit, Mense Decembri eiusdem anni ibi scholam condidit, in qua initio filius maior eius et alii quattuor liberi eruditi sunt. Motibus exortis inter alia carmine contra divisionem Bengaliae anno [[1905]] a [[Lord Curzon]], vicerege Indiae, imperatam intercessit et demonstrationi praeerat. Mox autem se ad studia paedagogica ac litteraria recepit.
 
Plura funera domestica ei his annis acciderunt: Anno [[1902]] Mrinalini, quam duodeviginti annos uxorem habuit, mortua est, paucis mensibus post filia Renuka secuta est, quae [[Phthisis|phthisim]] nancta est. Filius mininus Samindranath anno [[1907]] [[cholera]] ei raptus est, [[1905]] pater 87 annorum e vita cessit.
 
Tamen, quamvis motibus, funeribus, difficultatibus pecuniariis affectus, in Shantiniketan novam scholam creavit, quae a systemate scholari [[Britanniarum Regnum|Britannico]] emancipata rationem [[Hinduismus|hinduisticam]] nomine ''[[Brahmacharya]]'' secuta est: Liberi, qui una vivebant cum [[Guru]], plerumque sub divo, intuitu exemplisque didicerunt. Libri scholastici a Rabindranath illo tempore conscripti usque ad hunc diem in Bengalia leguntur.
 
==Bibliographia==