Quantum redactiones paginae "Actaeon" differant

Tam antiquis quam modernis temporibus haec fabula a pictoribus sculptoribusque saepe retractata est, cuius significatio antiqua profanos homines monere voluisse videtur, caverent nimiam et praematuram curiositatem erga divinum. Ita saltem sectatores deae [[Aegyptus|Aegyptiacae]] [[Isis|Isidis]] eam interpretati videntur : bis enim in domu [[Pompeii|Pompeiana]] Octavii Quartionis Diana et Actaeon in parietibus picti videntur, quae domus etiam sacellum Isidi consecratum necnon sigilla ad religionem Aegyptiam pertinentia continebat. Item notissima est sculptura ab [[Apuleius|Apuleio]] secundo libro mythistoriae suae ''[[Metamorphoses (Apuleius)|Metamorphoseon]]'' descripta quae atrium nobilis feminae [[Thessalia|Thessalicae]] ornabat, quae mythistoria initiis Lucci et mysteriis deae Isidis coronatur : nisi enim initiis praeparatus nemo impune ad sacra religionis adire potest.