Quantum redactiones paginae "Crimaea" differant

 

== Historia ==

Antiquis Crimaea temporibus ''Chersonesus'' et a poetis saepius ''Tauris'' (et inde etiam ''Chersonesus Taurica'') nominabatur. In antiquitate [[Tauri]] (unde et Chersonesus Tauricae nomen), [[Cimmerii]] et [[Scythae]] ibi habitaverunt. Cum Scythae potestatem in [[tesqua|steppis]] Tauricis tenebant, [[Graeci]] in paeninsula prope litora Pontus Euxini velut [[Bosporus Cimmerius|Bosporum Cimmerium]] [[lacus Maeotis|lacumque Maeotidem]] inde a saeculo a.C.n. septimo exeunte sedes transtulerunt. In Tauride, condiderunt has colonias: [[Chersonesus (urbs)|Chersonesum]], [[Panticapaeum]], [[Theodosia (urbs)|Theodosia]]m, et al. [[Spartocus]] primus sui nominis tyrannus ex gente Archaeanactidum natus Panticapaei [[regnum Bosporanum]] condidit, cuius princeps ultimus saeculo p.C.n. quinto fuit [[Tiberius Iulius Dioptunes]].

 

[[Imperium Romanum Orientale]] Chersonesum vel Corsunum urbem (ubi [[Vladimirus I Magnus]], dux [[Russia Kioviensis|Russicus Kioviensis]], anno 988 baptizatus est) nonnullasque alias terras Tauricas meridianas saecula nonnulla tenebat. Praeterea, terrae Tauricae millennio primo fuerunt possessiones multarum gentium aliarum: [[Gothi|Gothorum]], Turcorum antiquorum, Bulgarorum nomadicorum, [[Cosri|Cosrorum]], [[Rutheni|Ruthenorum]], etc.

A saeculo [[saeculum 12|duodecimo]] [[Cumani]], gens Turcica nomadica, hanc paeninsulam inhabitaverunt. Circa annum [[1223]] copiae Mongolo-Tataricae regionem eam invaserunt. Cum pars maior Tauridis inclusa est in [[Orda Aurea|Ordam Auream]], sedes administrativa terrae huius [[Crimaea (urbs)|Crimaea]] urbs facta est, unde et nomen paeninsulae hodiernum originem ducit. Ab anno [[1441]], Crimaea paeninsula fuit pars centralis [[Crimaea (chanatus)|chanatus]] [[Tatari Crimenses|Tatarorum Crimensium]] (metropolim suam ab anno [[1532]] [[Baccasara]]e habentis), qui terras prope litora septentrionale et orientale Ponti Euxini tenuit. Nonnullae urbes maritimae Crimenses ([[Theodosia (urbs)|Caffa]], [[Balaclava|Cembalo]], etc.) saeculis [[saeculum 13|tredecimo]]–[[saeculum 15|quindecimo]] coloniae [[Genua]]e fuere, sed anno [[1475]] ab [[Imperium Ottomanicum|Imperio Ottomanico]] annexae sunt. Chanatus Crimensis autem anno [[1478]] Imperii Ottomanici subregulus factus est. A fine saeculi [[saeculum 15|quindecimi]] copiae chanatus illius saepe terras [[Ruthenia|Ruthenicas]] (tunc ad regna [[Russia|Russicum]] et [[Polonia|Polonico]]-[[Magnus Ducatus Lituaniae|Lituanicum]] pertinentes) invadebant, homines terrarum illarum captantes, postquam illos ut [[Servus|servos]] habentes et vendentes.