Quantum redactiones paginae "Peloponnesus" differant

== Historia ==

[[Spelunca Franchthium]] ad oram maritimam [[Sinus Argolicus|Argolici sinus]] iacens, est antiquissimus Graeciae locus habitationis humanae, quo res [[Palaeolithicum|Palaeolithicae]] (ab 15.000 a.C.n.) repertae sunt. Inter fere annos 1600 - 1050 a.C.n. in Peloponneso fuerunt loci [[Cultura Mycenaea|Culturae Mycenaeae]] maximi momenti, inter quos [[Mycenae]] et [[Tiryns]]. [[Dores]] a saeculo XI exeunte, ut putatur, Peloponnesum invaserunt. Praeter Dores in paeninsula boreo-occidentali [[Achaei]] sedes collocaverunt. [[Graecia antiqua|Tempore classico]] [[Sparta]] plurimum valuit, post [[Pugna Leuctrica|Pugnam Leuctrictam]] ([[371 a.C.n.]]) Sparta victa Peloponnesus ab [[Foedus Arcadicum|Arcadicum foedere]] recta est. Postea [[Macedonia antiqua|Macedonico regno]] subdita demum in [[Res Publica Romana|Romanorum]] dicionem venit, qui anno [[146 a.C.n.]] [[Corinthus|Corinthum]] deleverant. [[Antiquitas Posterior|Antiquitate posteriore]] exeunte magna Peloponnesi pars a [[Slavi]]s habitata est (vide etiam [[Colonizatio Slavica Balcaniae]]). Postquam per multa saecula ad [[Imperium Romanum Orientale]] pertinuit, anno [[1204]] ab equitibus [[expeditio sacra|cruce signatis]] expugnata est, qui paeninsulam [[Morea]]m appellaverunt. Loca, quae [[Myzethras|Myzethram]] circumiacerunt, mox a copiis byzantinis recuperata sunt. A [[saeculum 15|saeculo XV]] [[Respublica Veneta]] et [[Imperium Ottomanicum]] pluries, sed vario Marte, de paeninsula certaverunt. Annis 1686–1715 omnis Morea fuit provincia Veneta; postquam Graecia anno [[1821]] libertatem nacta est, nomine antiquo pars novae civitatis facta est.

 

== Notae ==