Quantum redactiones paginae "Communitates ecclesiales de basi" differant

'''Communitates ecclesiales de basi'''<ref>[http://www.vatican.va/holy_father/john_paul_ii/encyclicals/documents/hf_jp-ii_enc_07121990_redemptoris-missio_lt.html Litterae Encyclicae ''Redemptoris Missio'', 51]</ref> in [[Ecclesia Catholica Romana|Ecclesia Catholica]]<ref> Etiam extra eam similes communitates exstant, quae hic non tractantur.</ref> sunt parvi [[Christianus|christianorum]] greges minus formaliter constituti intra alicuius [[paroecia]]e dicionem. Ex vicinis plerumque tales parvi coetus constant, qui statis temporibus (exempli gratia octavo quoque [[Dies|die]] —eodem scilicet semper [[Hebdomas|hebdomadis]] die—, eademque diei [[hora]]) in privatis plerumque aedibus ad [[Deus|Deum]] orandum, ad [[Biblia|Bibliorum]] lectioni vacandum, ad catechesim tradendam nec non ad meditationes de [[religio]]ne atque de sua cuiusque vita in lumine fidei cum aliis communicandas congregantur.

Altera [[Saeculum 20|saeculi XX]] dimidia parte, paulo ante [[Concilium Vaticanum Secundum]] coactum, ut putatur, communitates ecclesiales de basi in [[Brasilia]] ortae sunt atque post concilium conclusum valde increbruerunt. In [[America Australis|Americae Meridianae]] praesertim et [[America Centralis|Mediae]] terris, sed etiam alibi, tales exigui catholicorum manipuli influxu [[cultura]]li [[Theologia liberationis|theologiae liberationis]] informantur, quod efficit ut pauperum et eorum qui iniustitiam patiuntur sublevatio ac defensio maximi sit in eis sit momenti et ponderis; nonnusquam autem, velut in ipsa America Latina, in plagis Africanis, in [[Asia]], et notabiliter in [[Philippinae|Insulis Philippinis]], ab [[Episcopus|episcoporum]] conferentiis saepe foventur.