Post mortem [[Libius Severus|Libii Severi]] imperatoris occidentalis plus quam annum nemo purpuram a Ricimerio magistro militum potente accepit, propterea quod Leo imperator Libium Severum non probaverat et idcirco Ricimerius cunctabatur. Sed denique Leo I Anthemium imperatorem occidentis imperii fecit. Imperator novus filiam suam Alypiam [[RicimeriusRicimer|Ricimerio]] magistro militum uxorem dedit et multis militibus Constantinopoli profectus tandem Romam advenit, ubi a senatu, populo et Ricimerio comiter acceptus est. Statim bellum contra [[Vandali|Vandalos]] paravit, qui rege [[Geisericus|Geiserico]] saepenumero Italiam petebant. Sed duces Romani Ricimerius et Basiliscus saepe iurgaverunt et classis Romana anno [[468]] flammis deleta est. Etiam contra regem [[Euricus|Euricum]] [[Visigothi|Visigothorum]] Romani vincere non potuerunt, sed exercitus eorum [[470]] caesus est. Tum Anthemius Romae Ricimerium "barbarum" vocavit et filiam suam miseratus est, magister militum autem Mediolano Anthemio nomen "Graeci" dedit. Anno [[472]] autem Ricimerius cum militibus suis Romam venit et urbem III menses oppugnabat. Tandem urbem expugnavit et Anthemium, qui in ecclesia se abdiderat, supplicio capitali affecit.
