Quantum redactiones paginae "Legio XIV Gemina" differant

'''Legio XIV Gemina Martia Victrix''' pars exercitus Romani fuit.

 

Legio XIV vel iam a [[Gaius Iulius Caesar|Caesare]], cum [[Gallia]]m expugnaret, vel ab [[Octavianus Augustus|Octaviano]] inter bellum civile condita est. Tempore bellorum Germanicorum Augusti ad [[Rhenus|Rhenum]] hiemabat. Anno [[9]] [[Lucius Nonius Asprenas]] legatus eam in [[Germania Inferior|Germaniam Inferiorem]] duxit et ita rem Romanam post cladem a [[Publius Quinctilius Varus|Publio Quinctilio Varo]] acceptam servavit. Anno [[14]] in castris [[Moguntiacum|Moguntiaci]] est et cum aliis legionibus rebellavit, sed mox a [[Germanicus|Germanico]] sedata est<ref>[[Cornelius Tacitus]], Annales I 37</ref>. Annis proximis expeditionibus Germanicis Germanici Caesaris et anno [[43]] expeditioni in Britanniam [[Claudius (imperator)|Claudii]] imperatoris interfuit. Cum ibi seditionem [[Boudicca]]e pavavit, ''Martia Victrix'' nominata est. Anno [[65]] Britanniam reliquit et deinde Moguntiaci castra habuit, ubi anno [[70]] contra [[Batavi|Batavos]] rebellantes pugnavit. Anno [[89]] [[Lucius Antonius Saturninus|Lucium Antonium Saturninum]] usurpatorem adiuvit. Anno [[92]] in [[Pannonia]]m venit et bellis Dacicis [[Traianus|Traiani]] interfuit. Castra Legionis nunc [[Carnuntum|Carnunti]] erant. Deinde variis in bellis certavit et circa annum [[430]], cum Romani [[Danubius|Danubium]] relinquerent, dissoluta est<ref>Der Neue Pauly, Stuttgardiae 1999, T. 7, c. 20</ref>.

 

<div class="references-small"><references /></div>

 

Inter alios et hi legati legioni XIV praefuerunt:

* [[Quintus Petillius Cerialis Caesius Rufus]] anno [[70]]

 

{{DEFAULTSORT:Legio14XIVGemina}}

 

[[Categoria:Legiones Romanae]]