'''Georgius Danielewicz''' (natus die [[1 Aprilis]] [[1942]] oppido Pobiedziska) –est philologus classicus [[Polonia|Polonus]], litterarum antiquarum, imprimis carminum Graecorum, interpres et ipse poeta doctus<ref>Scripsit carmen Graecum in professorem Victorem Steffen (Symbolae Philologorum Posnaniensium 1, 1973, 5) et amicum [[Georgius Arvalis|Georgium Arvalem]] (Eos 78, 1990, 7) carmenque Latinum in professorem [[Miecislaus Broscius|Miecislaum Broscium]] (Eos 74, 1986, 5-6) et amicum Andream Wójcik (Symbolae Philologorum Posnaniensium 19, 2009, 15).</ref>. Alumnus Universitatis Studiorum Mickiewiczianae Posnaniensis, ubi anno 1969 doctor philosophiae promotus et anno 1976 habilitatus est. In Alma Matre Posnaniensi annis 1985-1988 Litterarum Facultatis Decanus fuit annisque 1987-2012 Graecarum litterarum peritis praefuit. Anno 1995 professor appellatus est.
